Դեմ քվեաթերթիկները փոխարինվել են կողմերով. Լենա Նազարյան (տեսանյութ)
Քաղաքական«Ես` որպես հանձնաժողովի նախագահ, հայտարարում եմ, որ հանձնաժողովի անդամները մասնակցել են հաշվառման գործընթացին և բոլորը ստորագրել են արձանագրությունը»: Այս մասին լրագրողների հետ զրույցում նշեց հաշվիչ հանձնաժողովի նախագահ Գագիկ Մելիքյանը:
Ինչպես տեղեկացրել ենք, այսօր ԱԺ-ում ամփոփվեցին ԲԽԴ-ի ընտրության արդյունքները։ ՀՀ ԱԺ «Ելք» խմբակցությունը հայտարարել է, թե իրենք դեմ են քվեարկել ԲԴԽ առաջին ղեկավարի թեկնածու Գագիկ Հարությունյանին, սակայն կողմ ձայներ կան:
«Հաշվառման գործընթացի ժամանակ որևէ առարկություն չի հայտնել: Ոչ մեկը ոչինչ չի կեղծել, Լենա Նազարյանն անձամբ հաշվել է և ստրագրել է բոլոր քվեաթերթիկների վրա»,- ասաց Մելիքյանը:
Լրագրողների հետ զրույցում, սակայն,«Ելք» խմբակցության պատգամավոր Լենա Նազարյանը, ով նաև հաշվիչ հանձնաժողովի անդամ է, նշեց, որ իր խմբակցության բոլոր անդամները Գագիկ Հարությունյանին դեմ են քվեարկել. «Հաշվարկի ժամանակ իրավիճակն այնպիսին է, որ քվեաթերթիկները դրվում են սեղանին և հաշվիչ հանձնաժողովի բոլոր անդամներից ամեն մեկն իր կողմ է տանում քվեաթերթիկը և հաշվում: Ես կարծում եմ, որ դեմ քվեաթերթիկները փոխարինվել են կողմ քվեաթերթիկներով: Ես ինչպե՞ս կարող եմ բոլորին վերահսկել, եթե զբաղված եմ քվեաթերթիկներ հաշվելով»,- ասաց նա:
Նազարյանը նշեց, որ ինքն անձամբ հաշվել է քվեաթերթիկները, դրանք ճիշտ էին, բայց գրեթե վստահ է, որ դեմ և կողմ քվեաթերթիկները փոխարինվել են:
Տեսանյութերը՝ Armlur.am-ի:
ՈՒՂԻՂ ԵԹԵՐ
Ամենադիտված 
«Նուբարաշեն» ՔԿՀ-ում հայտնաբերվել է մանկապղծության համար դատապարտված տղամարդու մարմինը
