Հրապարակվել է աշխարհի ամենամեծ ինքնաթիռի փորձարկման տեսագրությունը

 Stratolaunch Systems նախագծի ղեկավարներից մեկը` Պոլ Ալենը թվիթերյան իր էջում հրապարակել է Stratolaunch ինքնաթիռի փորձարկման տեսագրությունը:

Ինչպես տեղեկացնում է Hi-news.ru-ն,  ինքնաթիռը թռիչքուղում իրականացրել է մի քանի վազք:

Նախնական տվյալներով` թռչող սարքը կարողանալու է երկինք բարձրացնել  մինչև 250 տոննա բեռ, այն դեպքում, երբ ինքնաթիռը կշռում է 230 տոննա:

Նախատեսվում է, որ ինքնաթիռը առաջին փորձնական թռիչքը կիրականացնի 2019 թվականին:

Stratolaunch- ը նախատեսվում է օգտագործել որպես օդային հարթակ՝ կրող հրթիռները Երկրագնդի ցածր ուղեծիր հասցնելու համար: Եթե ինքնաթիռը թռիչքը հաջող իրականացնի` կդառնա աշխարհի ամենամեծ ինքնաթիռը օդում, որի թևերի բացվածքը կազմելու է 117 մետր:

Ինքնաթիռի փորձարկումը տեղի է ունեցել ս. թ. հունվարի 24-ին և 25-ին:

Շարժիչի և ինքնաթիռի համակարգի աշխատանքը ստուգելու համար սարքը մի քանի վազք է կատարել: Stratolaunch-ը  թռիչքուղում  46 մ/ժ արագություն է զարգացրել: