«Դատավարություն, որի ընթացքում երբեմն կիրառվել է օրենք»
Իրավունք
Երևանի ընդհանուր իրավասության դատարանի Շենգավիթի նստավայրում այսօր՝ մարտի 2-ին, շարունակվում է Ժիրայր Սեֆիլյանի և մյուսների գործով դատական նիստը:
Նշենք, որ ամբաստանյալների շահերի պաշտպանները հանդես են գալիս պաշտպանական ճառերով:
Ժիրայր Սեֆիլյանը և մյուսներն այս անգամ ևս ոտքի չկանգնեցին նախագահող դատավոր Տաթևիկ Գրիգորյանի՝ նիստերի դահլիճ մուտք գործելու ժամանակ: Դատավորը կրկին նախազգուշացման սանկցիա կիրառեց՝ զգուշացնելով, որ անհարգալից վերաբերմունքի դեպքում նրանք կհեռացվեն դատական նիստերի դահլիճից:
Փաստաբան Արայիկ Պապիկյանն իր ճառում հայտարարեց՝ Ժիրայր Սեֆիլյանի նկատմամբ իրականացվում է քաղաքական հետապնդում. «Ճառը վերնագրված է՝ «Ժիրայր Սեֆիլյանի և Ներսես Պողոսյանի ապօրինի հետապնդումները»: Իրավական լեզվով՝ այն դատավարություն էր, որի ընթացքում երբեմն կիրառվել է օրենք: Դատավարության ընթացքը զուրկ էր իրավաբանական բովանդակությունից, որի ընթացքում դատարանը չիրականացրեց արդարադատություն»,- ասաց նա՝ ավելացնելով, որ և′ դատարանը, և′ ԱԱԾ-ն գործել են օրենքից դուրս և որոշել են քաղաքական հետապնդման ենթարկել Սեֆիլյանին:
Հիշեցնենք, որ Ժիրայր Սեֆիլյանը մեղադրվում է զանգվածային անկարգություններ կազմակերպելու և զենքի գործադրմամբ շենքեր, շինություններ զավթելու նախապատրաստության մեջ: Բացի Սեֆիլյանից, մեղադրանք է առաջադրվել նաև Գևորգ Սաֆարյանին, Ներսես Պողոսյանին, Գալուստ Գրիգորյանին, Հրայր Թոփչյանին, Սասունիկ Կիրակոսյանին և Հովհաննես Պետրոսյանին:
ՈՒՂԻՂ ԵԹԵՐ
Ամենադիտված 
Մարիամ Փաշինյանը նոր հրապարակում է կատարել ծնողների ամուսնալուծության ֆոնին
