Առաջադրումների ժամկետը լրացավ. Էջմիածնի քաղաքապետի աթոռի համար 1 տասնյակից ավելի թեկնածուներ կպայքարեն

Երեկ՝ սեպտեմբերի 30-ին, ավարտվեց Տեղական ինքնակառավարման մարմինների ընտրություններին առաջադրումների վերջնաժամկետը, իսկ հոկտեմբերի 6-ից կմեկնարկի նախընտրական քարոզարշավը: 

Արմավիրի մարզի Վաղարշապատ (Էջմիածին) քաղաքում վերջնական կպայքարեն 14 թեկնածու, որոնցից 2-ը «Քաղաքացիական պայմանագիր» և «Լուսավոր Հայաստան» կուսակցության անդամներն են, իսկ 12-ը՝ անկուսակցական: 

Սակայն, ամենահետաքրքրականն այն է, որ Էջմիածին քաղաքի ընտրություններում իրար դեմ պայքարողների թվում է նախկին փոխքաղաքապետ Վազրիկ Գրիգորյանը, ով նաև Մանվել և Կարեն Գրիգորյանների մտերիմն է:

Ի դեպ՝ ներկայիս ԺՊ Դիանա Գասպարյանն իր պաշտոնավարման սկզբում հրաժարվեց աշխատել Վազրիկ Գրիգորյանի հետ հենց Գրիգորյանների ընտանիքի հետ կապի պատճառով: Այս մասին նաև հայտարարել է Դիանա Գասպարյանն՝ իր հարցազրույցներից մեկի ժամանակ: 

Ներկայացնում ենք ՏԻՄ ընտրություններին առաջադրված թեկնածուներին.

Առաքելյան Վարդան Ֆելիքսի՝  «Վի Էյ ընդ փարթներս» ՍՊԸ տնօրեն, անկուսակցական:

Բաղրամյան Գագիկ Վարդանի՝ ԱՁ Գագիկ Բաղրամյան, անկուսակցական:

Գասպարյան Դիանա Մնացականի՝  քաղաքի ղեկավարի պաշտոնակատար, «ՔՊ» կուսակցություն: 

Գրիգորյան Վազրիկ Սարգսի՝ «Վասպուրական-238»-ի ՍՊԸ գլխավոր խորհրդական, անկուսակցական:

Դավթյան Սամվել Մարտունի՝ ԱՁ Սամվել Դավթյան Արմավիր, անկուսակցական:

Թադևոսյան Վահագն Սամվելի՝ Էրեբունի բժշկական կենտրոն ՓԲԸ-ի սրտաբանական կենտրոնի ղեկավարի օգնական, անկուսակցական:

Թոփալյան Սուրեն Տիգրանի՝ Էջմիածնի Քաղաքապետարանում բաժնի պետ, անկուսակցական:

Մարգարյան Սուսաննա Համլետի՝ ՀՀ. Ազգային Ժողովի, Ֆինանսական վարչությունում՝ ֆինանսիստ, անկուսակցական: 

Մովսիսյան Վահե Սուրենի՝ Յունիբանկի՝ Էջմիածնի մասնաճյուղի տնօրեն, անկուսակցական:

Մուրադյան Սամվել Սիմոնի՝ անկուսակցական:

Մուրադյան Սուրեն Ալբերտի՝ Տեխնիկական անվտանգության ազգային կենտրոն ՊՈԱԿ-ի գլխավոր փորձագետ, անկուսակցական:

Նավասարդյան Ժորժիկ Հովսեփի՝ փաստաբան, անկուսակցական:

Սարգսյան Սերգեյ Սամվելի՝ «Լուսավոր Հայաստան» կուսակցություն:

Ստեփանյան Կարեն Աշոտի՝ իրավաբան՝ ՀՀ փաստաբանների պալատ, անկուսակցական: