Արևմուտքը Վրաստանում իրեն գործընկեր տեսնում է Սաակաշվիլիին. Le Monde

Եվրոպական ժողովրդական կուսակցության նախագահ Վիլֆրիդ Մարթենսը Le Monde պարբերականում հրապարակված հոդվածում իր տեսակետն է ներկայացրել Վրաստանի ներքաղաքական իրավիճակի վերաբերյալ։ Հոդվածի հեղինակի կարծիքով Սաակաշվիլիի հիմնական հակառակորդ Բիձինա Իվանաշվիլին ցանկանում է «գնել» առաջիկա խորհրդարանական ընտրությունների ձայները։

«Նա բավական միջոցներ ունի և նրա կարողությունը Forbes-ը գնահատում է 6,4 միլիարդ եվրո։ Նման ռեսուրսներ ունեցողը խնդիր չունի իր նպատակին հասնելու ճանապարհին երկրում անօրինական գործողություններ և անկայուն իրավիճակ ստեղծելու հարցում», – նշել է Մարթենսը։  

Հեղինակը նշել է, որ վերջին շաբաթներին լոբբիստների մի ամբողջ բանակ փորձում է եվրոպացի խորհրդարանականներին, ֆունկցիոներներին, մտավորակններին և լրագրողներին համոզել, որ Վրաստանի երիտասարդ ժողովրդավարությունն այն չէ, ինչ Արևմուտքին ներկայացվում է, և միակ մարդը, ով կարող է դա փրկել՝ բարերար–միլիարդատեր Բիձինա Իվանիշվիլին է։

«Ցավոք, PR գործակալությունների կողմից մոբիլիզացվող գործողությունները, որոնց թվում են Փարիզի, Բեռլինի, Լոնդոնի, Վաշինգտոնի ամենահեղինակավոր գործակալությունները, ուղեկցվում են նախընտրական ֆոնին Վրաստանում տասնյակ միլիոնավոր դոլարների հասնող ոչ բարեգործական նպատակով իրականացվող ակցիաներով»,- ընդգծում է հեղինակը։

Ըստ Մարթենսի, վրացի միլիարդատերի ղեկավարած քաղաքական կուսակցությունը ժողովրդի ձայնը գնում է տասնյակ հազարավոր արբանյակային ալեհավաքներ, սառնարաններ, հեռուստացույցներ բաժանելով, որոնք իրականացվում են նախընտրական գործընթացի ֆոնին։ Այն ուղղորդված ֆինանսավորվում է Իվանիշվիլիի գլխավորած «Վրացական երազանք» ընդդիմադիր կուսակցության կողմից, ինչն էլ բնորոշում է այդ կուսակցության ոչ ազնիվ քաղաքական նպատակները։ 

Հոդվածագիրը պատասխանատվության կոչ է անում Եվրոպայի բոլոր քաղաքական առաջնորդներին, որոնք մի քանի տարի առաջ որոշել են Արևելյան գործընկերության շրջանակում կառուցվածքային հարաբերություններ հարթել Եվրամիության արևելյան սահմանագծի երկրների հետ, և մի շարք հարցադրումներ է անում այդ առնչությամբ։

«Ես առիթ եմ ունեցել լինել Վրաստանում և նշանակալի առաջընթաց եմ արձանագրել այդ երկրում, որոնք նաև արձանագրել են միջազգային հեղինակավոր կառաույցները և քաղաքական, տնտեսական, մշակութային ոլորտներում գործող միջազգային հեղինակավոր հաստատությունները, ինչն էլ իր հերթին կարող է նախանձ առաջացնել արևմտյան մի շարք ժողովրդավարությունների մոտ», – նշել է Մարթենսը։

Նա եվրոպական կառույցներին՝ Եվրախորհրդին, ԵԱՀԿ–ին կոչ է արել աշնանը կայանալիք Վրաստանի խորհրդարանական ընտրություններին շատ դիտորդներ ուղարկել Վրաստանի «երիտասարդ ժողովրդավարության» դեմ իրականացվող ոտնձգությունները կանխելու համար։ 

Մարթենսն իր մտահգությունն է հայտնել Վրաստանի ճակատագրի վերաբերյալ, նշելով, որ այն չպետք է հայտնվի մարդկանց ձեռքում, ովքեր կոռումպացնում են քաղաքական գործընթանցերը, գրում է Le Monde-ը։