Ռուբեն Հայրապետյանը հարցաքննվել է

Ոստիկանության քննչական գլխավոր վարչության հատկապես կարևոր գործերի քննության բաժնի պետ Արսեն Այվազյանն այսօր լրագրողների հետ հանդիպման ժամանակ պարզաբանումներ տվեց 2012 թ. հունիսի 17-ին «Հարսնաքար» ռեստորանային համալիրի տարածքում տեղի ունեցածի վերաբերյալ:

Արսեն Այվազյանը նշեց, որ հուլիսի 6-ին Ռուբեն Հայրապետյանը որպես վկա է հարցաքննվել, նրան մեղադրանք չի առաջադրվել: Ըստ նրա՝ Քրեական դատավարության օրենսգրքի 202-րդ հոդվածի համաձայն անձին՝ որպես մեղադրյալ, հնարավոր է բացառապես միայն բավարար ապացույցների առկայության դեպքում, որոնք վկայում են կատարված հանցագործությանը անձի մասնակցությունը: Արսեն Այվազյանը նշեց, որ քրեական գործով չկա գեթ մեկ ապացույց, որը կվկայեր Ռուբեն Հայրապետյանի մասնակցությունը կամ առնչությունը կատարված հանցագործությանը: Ո՛չ տուժողները, ո՛չ էլ վկաները դեպքին նրա մասնակցության մասին չեն հայտնել:

Նա նաև տեղեկացրեց, որ այն հատվածում, որտեղ տեղի է ունեցել ծեծը, ընդհանրապես տեսախցիկներ տեղադրված չեն եղել: