Կուբայի գործոնը սիրիական ճգնաժամում. The Moscow Post

Այսօր Մոսկվայում սպասվում է Ռուսաստանի նախագահ Վլադիմիր Պուտինի և Կուբայի Պետական խորհրդի և նախարարների խորհրդի ղեկավար Ռաուլ Կաստրոյի հանդիպումը։ Հանդիպման ընթացքում երկու երկրների ղեկավարները կքննարկեն միջազգային հրատապ հարցեր, այդ թվում նաև սպասվում է սիրիական ճգնաժամի վերաբերյալ հարցերի քննարկման լայն շրջանակ։ Այդ այցի ֆոնին արևմտյան որոշ վելուծաբաններ արդեն հայտարարել են, որ Ռուսաստանը արտաքին քաղաքականությունը շարունակում է «ԽՍՀՄ արտաքին քաղաքական կուրսը», գրում է The Moscow Post–ը։ 

ՌԴ նախագահ Վլադիմիր Պուտինի և Կուբայի ղեկավար Ռաուլ Կաստրոյի հանդիպումը կկայանա այսօր Մոսկվայում։ Կաստրոն Մոսկվայում աշխատանքային այցով Ռուսաստանում կգտնվի մինչև հինգշաբթի օրը։ 

Կրեմլի տարածած մամլո հաղորդագրությունում նշված է, որ «հանդիպումը երկու երկրների միջև բարձր մակարդակի հարաբերությունների շարունակությունն է և երկու առաջնորդների միջև սա երրորդ հանդիպումն է։ Ավելի վաղ վերջիններս հանդիպել են 2000–ին՝ Հավանայում և  2009–ի փետրվարին՝ Մոսկվայում»։ 

Կուբան համարվում է Ռուսաստանի ամենահին բարեկամական և գործընկերային հարաբերություններ ունեցող երկիրը Լատինական Ամերիկայում, որոնց համագործակցությունը ռազմավարական բնույթ է ստացել։ 

Ըստ պարբերականի, հանդիպման ընթացքում երկու երկրների միջև տնտեսության ոլորտում՝ մասնավորապես էներգետիկայի ոլորտում համագործակցությունն ամրապնդելու և երկու երկրների միջև դիվանագիտական հարաբերությունները խորացնելու վերաբերյալ քննարկվելիք հարցերից, սպասվում է, որ հանդիպման առանցքային քեմաներից մեկն էլ լինելու է Սիրիայում ստեղծված իրավիճակը, որը դիվանագիտական հակամարտության է հանգեցրել ՆԱՏՕ–ի անդամ երկրների՝ մասնավորապես ԱՄՆ–ի և Ռուսաստանի միջև։ Թեև սիրիական խնդրի պատճառով մեծ սեպ է խրվել ԱՄՆ–ի և Չինաստանի հարաբերություններում։ 

Ինչպես նշված է պարբերականում, Կուբայի իշխանությունը միշտ աջակցել է Սիրիայի նախագահ Բաշար Ասադի ռեժիմին։ 

ՄԱԿ–ում Կուբայի դեսպանը միշտ ընդդիմացել է Բաշար Ասադի ռեժիմի նկատմամբ պատժամիջոցներ կիրառելու վերաբերյալ բանաձև ընդունելուն։ Այսպիսով, Բաշար Ասադի ռեժիմը, բացի երկու հզոր պետություններից՝ ի դեմս Ռուսաստանի և Չինաստանի, պաշտպանում է նաև Կուբան։ 

ՄԱԿ–ի Անվտանգության խորհրդում Սիրիայի խնդրի վերաբերյալ բանաձև ընդունելու վերաբերյալ Կուբան միշտ պաշտպանել է Ռուսաստանի և Չինաստանի դիրքորոշումը։   

Այսպիսով, Վլադիմիր Պուտինի և Ռաուլ Կաստրոյի հանդիպումը կարևոր նշանակություն ունի սիրիական ճգնաժամի կարգավորման առումով, եզրափակում է պարբերականը։