ՀԱԿ ակտիվիստները դատապարտվեցին 2-6 տարվա ազատազրկման

Հենց նոր հրապարակվեց ՀԱԿ ակտիվիստների դատավճիռը, ըստ որի՝ Տիգրան Առաքելյանը դատապարտվեց վեց տարի ժամկետով, Արտակ Կարապետյանը՝ երեք տարի, Սարգիս Գևորգյանը և Դավիթ Քիրամիջյանը՝ երկուական տարի ժամկետով։

Ակտիվիստները մինչև վերջ իրենց մեղավոր չճանաչեցին և կայացրած որոշման իրենց ամոթի խոսքը ուղղեցին դատարանին։ Այս առթիվ Նիկոլ Փաշինյանն իր խոսքում նշեց, որ պայքարելու են մինչև վերջ։

Հիշեցնենք նաև, որ ՀԱԿ-ի յոթ երիտասարդ ակտիվիստների և ոստիկանների միջև 2011-ի օգոստոսի 9-ին Երևանի Կարապի լճին հարակից տարածքում բախում էր տեղի ունեցել, որի հետևանքով էլ բերման էին ենթարկվել և հաջորդ օրն իսկ ձերբակալվել: Նրանցից 6-ին չբացակայելու ստորագրությամբ ազատ էին արձակել, իսկ Տիգրան Առաքելյանը շարունակում է կալանավորված մնալ, քանի որ մեղադրվում է իշխանության ներկայացուցչի նկատմամբ բռնություն գործադրելու մեջ։