Մի օր պատժվելու են այն գործիքները, որոնք ծառայում են ընդամենը մի հոգու կամքին. Արամ Մանուկյան

Հայ ազգային կոնգրես խմբակցության պատգամավոր Արամ Մանուկյանն այսօր ՀԱԿ ակտիվիստների դատավճռից հետո լրագրողների հետ զրույցում կարծիք հայտնեց, որ այստեղ իրավաբանություն իրականցնողները զրո են։ «Բացարձակ մասնագիտական որևէ բան մի փնտրեք, հաստատ, որովհետև ծիծաղելի են այդ ձևի դեպքերի համար այսպիսի հոդվածներ և այսպիսի դրսևորում դատախազի, դատավորի կողմից։ Նրանք գործիք են և համաձայն են գործիք լինելուն։ Իշխանությունը ատամ է ցույց տալիս ընդդիմությանը, մենք էլ կփորձենք մեր ատամը ցույց տալ», - նշեց Մանուկյանը։ Վերջինիս խոսքերով՝ միջազգային բոլոր կառույցները, որոնց անդամ է ՀՀՇ-ն,  կներգրավվեն այս գործի մեջ։ «Քաղաքական բոլոր ուժերը, որոնք շահագրգռված են Հայաստանում քաղբանտարկյալ չլինելու համար, վստահ եմ, կներգրավվեն այս գործում։ Ես Ադրբեջանի քաղբանտարկյալի ազատման համար եմ պայքարում, Հայաստանի քաղբանտարկյալի համար, բնականաբար, տասնապատիկ ուժերով կպայքարեմ»։

Ըստ Արամ Մանուկյանի՝ տղաները մի օր կազատվեն, բայց մի օր պատժվելու են այն գործիքները, որոնք ծառայում են ընդամնեը մի հոգու կամքին։