ՃՈ-ի կողմից վարորդների իրավունքները խախտվում եմ ամեն օր. Էդուարդ Հովհաննիսյան

«Աքիլես» ավտովարորդների իրավունքների պաշտպանության կենտրոն ՀԿ նախագահ Էդուարդ Հովհաննիսյանը լրագրողների հետ հանդիպման ժամանակ խոսել է անցած 7 ամսվա ընթացքում վարորդների խախտված և վերականգնված իրավունքների վիճակագրության, ճանապարհներից տուժած վարորդների դիմում-բողոքների ընթացքի և Ռուբինյանց փողոցում արագությունը գերազանցելու համար տուգանքների վերաբերյալ ի հայտ եկած նոր մանրամասների մասին։

«Անցյալ տարի ճանապարհային ոստիկանության կողմից արձանագրվել է 750,000 խախատում, թվի աճը պայմանավորված է ՃՈ-ում կատարած բարեփոխումների շնորհիվ։ Սակայն ՃՈ-ի կողմից վարորդների իրավունքները խախտվում եմ ամեն օր։ Դրանք հիմնականում այն դեպքերն են, երբ տեսուչները, կանգնեցնելով վարորդին, վերագրում է նրան ինչ-որ խախտում, իսկ երբ վարորդը հիմավորում է խախտում չանելը, տեսուչը կառչում է ամրագոտի չամրացնելուց։ Երբ գործը հասնում է դատարան ու պահանջում են փաստեր ներկայացնել ամրագոտի չկրելու վերաբերյալ, ստանում են պատասխան, թե տեսնյութները չեն պահպանվում»,- ասել է նա։

Էդուարդ Հովհաննիսյանի խոսքով, իրավունքների խախտման դեպքերից են, երբ վարորդը չի համաձայնում խախտման մեղադրանքի հետ, տեսուչը ասում է, որ գործում է օրենք, ըստ որի՝ վարորդի ստորագրությունը պարտադիր չէ, վարորդը, հավատալով խոսքին, չի ստորագրում, իսկ վերջում այդ արձանագրության մեջ նշվում է ստորագրելուց հրաժարվելու փաստը։ 

Էդուարդ Հովհաննիսյանը կարևորում է նաև արձանագրության երկու օրինակի առկայությունը, որից մեկը կտրվի խախտում կատարած վարորդին։ Նրա խոսքով, երբեմն տեսուչը կազմելով արձանագրություն՝ անմիջապես հեռանում է, իսկ վերջում պնդում, թե վարորդը չի պահանջել փաստաբան, այննինչ տեսուչը պարտավոր է փաստաբանից հրաժարվելը ներկայացնել գրավոր տեսքով։

Անդրադառնալով Ռուբինյանց փողոցի դեպքերին՝ բանախոսը ասել է, որ իրենք ներկայացրել են ապրիլի 19-ին արված տեսանյութ, որտեղ երևում է ճանապարհային նշանը՝ փակված ծառի ճյուղերով։

«Դիմելով համապատասխան մարմիններին՝ մենք կարողացանք հասնել այն բանին, որ ՃՈ-ն խոստացավ ապրիլի 20-ից մայիսի 29-ը ընկած ժամանակահատվածում խախտում կատարած վարորդների հայցերը բավարարել, իսկ հետո ժամանակահատվածը առանց հիմնավորման կրճատվեց՝ դառնալով մայիսի 19-ից մինչև մայիսի 29 ընկած ժամանահատված»։