Վիտալի Բալասանյանը «Մարտի 1-ի» գործով կրկին հրավիրվել է ՀՔԾ
Իրավունք
Արցախի անվտանգության խորհրդի նախկին քարտուղար Վիտալի Բալասանյանը կրկին հրավիրվել է ՀՔԾ «Մարտի մեկի» գործով հարցաքննության։ Այս մասին հայտնեց ՀՔԾ մամլո խոսնակ Մարինա Օգանջանյանը։
Հիշեցնենք, որ «Մարտի 1-ի» քրեական գործով հարցաքննության կանչելու նպատակով Արցախի Հանրապետության ոստիկանության միջոցով ծանուցագիր էր ուղարկվել Վիտալի Բալասանյանին, սակայն դրանից հետո ստացվել էր Բալասանյանի դիմումը, որով վերջինս հայտնել էր, որ ծանուցագիրը` դրանում նշված հարցաքննության ներկայանալու ժամկետից ուշ է ստացել:
Բալասանյանը միաժամանակ հայտնել է, որ 2008թ.-ի մարտի 1-ի և 2-ի իրադարձությունների ժամանակ անձամբ Երևանում չի գտնվել, և այդ օրերին տեղի ունեցած իրադարձությունների մասին իր տվյալները սահմանափակվել են այնքանով, որքանով որ դրանք հասանելի են եղել հասարակության լայն շրջանակներին և տարածվել ԶԼՄ-ների միջոցով: ՀՔԾ–ից տեղեկացրեցին, որ Բալասանյանի դիմումը ստանալուց հետո, սակայն վարույթն իրականացնող մարմինը, հիշյալ քրեական գործով պարզման ենթակա հանգամանքների վերաբերյալ հարցադրումներ ունենալով, նրան հարցաքննության հրավիրելու վերաբերյալ կրկին ծանուցագիր է ուղարկել:
ՈՒՂԻՂ ԵԹԵՐ
Ամենադիտված 
Լքված նորածնի ծնողները հայտնաբերվե՞լ են․ ինչ է հայտնում ՔԿ-ն
