Ավինյանը՝ Հայկ Հարությունյանի մահվան մասին

Այս պահի դրությամբ ես գիտեմ այնքան, որքան դուք, այսինքն կարդացել եմ լրատվամիջոցներից: Այս մասին այսօր՝ սեպտեմբերի 24-ին, լրագրողների հետ զրույցում նշեց ՀՀ փոխվարչապետ Տիգրան Ավինյանը՝ անդրադառնալով հարցին, թե արդյոք մտահոգիչ չէ, որ Մարտի 1-ի գործով առանցքային վկաներից մեկը՝ նախկին ոստիկանապետը Հայկ Հարությունյանը, ինքնասպանություն է գործել:

«Այդ առումով որևէ եզրակացություն չունեմ և չեմ կարող ունենալ»,- ասաց նա:

Ավելի վաղ տեղեկացրել էինք, որ սեպտեմբերի 23-ին՝ ժամը 23:59-ին, ահազանգ է ստացվել, որ Բջնիի առանձնատներից մեկում գլխի շրջանում հրազենային վիրավորումով հայտնաբերվել է նախկին ոստիկանապետ Հայկ Հարությունյանի դին: