Արթուր Վանեցյանի հայտարարությունները քաղաքական եմ համարում՝ սպասելիք ձևավորելու առումով․ Մարուքյան

«Պարոն Վանեցյանը երկար տարիներ աշխատել է ԱԱԾ-ում, «Բաց հասարակություն հիմնադրամը» ՀՀ-ում գործում է երկար տարիներ։ Այն ժամանակվանից, երբ պարոն Վանեցյանը եղել է Էրեբունիի ԱԱԾ պետ։ Հետևաբար, եթե նման մտահոգություններ կային, նա պետք է որոշակի գործողություններ իրականացներ։ Որևէ կառույց փակելու, գործունեությունը դադարեցնելու համար պետք է դատարանի որոշում լինի»,- լրագրողների հետ զրույցում, անդրադառնալով ԱԱԾ նախկին տնօրեն Արթուր Վանեցյանի այն հայտարարությանը, թե «Սորոսի» գրասենյակի գործունեությունը ՀՀ-ի համար վտանգներ է ներկայացնում, ասաց «Լուսավոր Հայաստան» խմբակցության ղեկավար Էդմոն Մարուքյանը։