Պարետատունը տնտեսվարող սուբյեկտներից մի քանի հարյուր դիմում-հայտ է ստացել
Հասարակություն
2020 թվականի ապրիլի 22-ի պարետի N 51 որոշմամբ սահմանվել էին կոնկրետ ուղղություններ, որոնց դեպքում հնարավոր էր դիտարկել սահմանափակումներից բացառություն անելու հարցը՝ հիմք ընդունելով տնտեսվարողների կողմից ներկայացված դիմում-հայտերը՝ համավարակի պայմաններում գործունեության կազմակերպման հստակ նկարագրությամբ և անվտանգության կանոնների պահպանման կոնկրետ հանձնառություններով: Այդ մասին պարետատունը մի քանի հարյուր դիմում-հայտ է ստացել տնտեսվարող սուբյեկտներից:
Պարետի 2020 թվականի մայիսի 3-ի «Հայաստանի Հանրապետության ողջ տարածքում կիրառվող ժամանակավոր սահմանափակումների վերաբերյալ» N 63 որոշման համաձայն՝ տնտեսական գործունեության մի շարք տեսակների նկատմամբ, այդ թվում՝ նրանց, որոնց համար սահմանված էր դիմում-հայտի պահանջ, սահմանափակումները հանվել են: Հետևապես, խնդրում ենք ընդունել ի գիտություն, որ այդ հիմքով ստացված դիմում-հայտերին անհատական արձագանքելու անհրաժեշտությունը վերացել է:
Միաժամանակ, պետք է նկատի ունենալ, որ վերջին որոշմամբ սահմանված և այս պահին գործող սահմանափակումների վերաբերյալ կարգավորումները համընդհանուր են, և բացառություններ դիտարկելու հնարավորություն նախատեսված
չէ:
Հարցերի պարզաբանման և գրություններ ուղարկելու համար շարունակում են գործել պարետատան և պետական գերատեսչությունների հետ հաղորդակցության բոլոր մյուս խողովակները, այդ թվում՝ թեժ գծերը:
Շնորհակալ ենք փոխըմբռնման և համագործակցության պատրաստակամության համար:
ՈՒՂԻՂ ԵԹԵՐ
Ամենադիտված 
Կյանքից հեռացել է Տիգրան Ղազարյանը
