Ինչպես է ապրում իրական Մաուգլին, ով սնվում է բույսերով և անընդհատ վազում անտառ՝ կենդանիների մոտ (տեսանյութ)
ԱյլՄինչ 21-ամյա երիտասարդը վազվզում է անտառներում, վշտահար մայրը վիճաբանությունների ժամանակ պաշտպանում է որդուն, որին տեղի բնակիչներն անվանում են «կապիկ» և անընդհատ ծիծաղում նրա վրա, գրում է Life.ru-ն:
Ռուանդայի փոքրիկ գյուղից Զանզիման Էլլին քսան տարի առաջ օրհնություն էր իր ծնողների համար: Մինչ այդ զույգը ծննդաբերության ժամանակ կորցրել էր հինգ երեխա: Սակայն բժիշկներն ասել են ծնողներին, որ երեխան զարգացման հետ կապված խնդիրներ է ունենալու` նա կծնվի միկրոցեֆալիայով: 21 տարի անց տղան այդպես էլ դպրոց չգնաց, նա դեռ վախենում է իր համագյուղացիներից և հասարակության փոխարեն նախընտրում է վայրի կենդանիների ընկերակցությամբ թափառել անտառներով:
«Հինգ երեխա կորցնելով՝ մենք խնդրեցինք Աստծուն, որ մեզ տա գոնե հաշմանդամ երեխա, բայց որ նա նախորդների պես շուտ չմահանա: Երբ Զանզիմանը ծնվեց, ես գիտեի, որ Աստված է մեզ նրան ուղարկել»,- ասել է տղայի մայրը:
Անցյալ տարեվերջին Afrimax TV-ը Զանզիմանի մասին պատմություն էր նկարահանել: Լրագրողների հետ զրույցում տղայի մայրը խոստովանել էր, որ իր որդուն անտառներում օղապարանով հետապնդելով՝ կարող է մեկ շաբաթում հաղթահարել մինչև 230 կիլոմետր:
«Նա սովորական սնունդ չի սիրում: Նա ավելի շատ բանան է սիրում: Նա ոչինչ չի կարող անել: Միայն վազում է, և եթե տեսնում է մարդկանց, փախչում է նրանցից: Եվ որտեղ էլ նա թաքնվի, ես պետք է հասնեմ նրան <...> Եթե ես չհետեւեմ նրան, մի օր նա պարզապես կարող է չվերադառնալ»,- պատմել է կինը:
Համագյուղացիները բաժանվել են երկու խմբի. ոմանք օգնում են տղայի մորը, որքան կարող են: Նրանք միասին փորձում են Զանզիմանին անտառ չթողնել, գրում է Daily Star-ը: Ավելին, բավականին դժվար է հասնել Էլլիին. տեղացիները նրան համեմատում են Ուսեյն Բոլտի հետ: Մյուսները ծիծաղում են Զանզիմանի վրա և անվանում նրան կապիկ: Ավելորդ է նույնիսկ ասել, որ սա բարկացնում է տղայի մորը:
«Ինձ այնքան ցավ է պատճառում, երբ երեխաս վերադառնում է գյուղ և այստեղ ծեծի ենթարկվում: Նրանք գոռում են նրա վրա, նրան կապիկ անվանում: Ես ահավոր տխրում եմ, երբ լսում եմ, թե ինչպես են մարդիկ ծաղրում որդուս վրա: Ոչ միայն երեխաները, նույնիսկ մեծահասակները: Նրանց պատճառով ես կորցնում եմ ինքնատիրապետումս: Նրանք նրա մեջ մարդ չեն տեսնում, այլ միայն կենդանի»,- կիսվել է տղայի մայրը: