Սինգապուրում բժիշկները փրկել են մոլորակի ամենափոքր երեխայի կյանքը (լուսանկար)
ԱյլԱշխարհի ամենափոքր երեխան, որը ծնվել է Սինգապուրում, դուրս է գրվել հիվանդանոցից: Մեկ տարի շարունակ բժիշկները պայքարել են 212 գրամ քաշով ծնված աղջկա կյանքի համար: Այս մասին գրում է BBC-ն:
Կվեկ Յու Սուան անունով աղջիկը ծնվել է 13 ամիս առաջ` հղիության 25-րդ շաբաթում: Նրա հասակը 24 սմ էր: Ավելի քան մեկ տարվա ինտենսիվ բուժումից հետո նրան հաջողվել է ավելի քան 6 կիլոգրամ քաշ հավաքել, և այժմ կշռում է 6,3 կգ:
Աղջիկը ծնվել է կեսարյան հատման միջոցով: Սկզբում նրա մոտ ախտորոշվել է պրեէկլամպսիա` վտանգավոր բարձր ճնշում, որը կարող է վնասել կենսական օրգանները:
Հիվանդությունը սպառնում էր նաև մոր կյանքին, ուստի ծննդաբերությունը հրատապ էր:
Կվեկ Յու Սուանի բուժման արժեքը հասել է 400 հազար դոլարի: Այժմ աղջիկն առաջին անգամ կտեսնի իր տունը: Այնուամենայնիվ, նրա մոտ դեռ ախտորոշվում է թոքերի քրոնիկ հիվանդություն, ուստի նա դեռ չի կարողանում ամբողջությամբ ինքնուրույն շնչել: