Վենետիկի Սան Մարկո հրապարակը հեղեղվել է ջրով (լուսանկարներ)

Վենետիկի Սան Մարկո հրապարակը ծածկվել է ջրով։ Որպես կանոն, դա տեղի է ունենում աշնանը կամ գարնանը: Ճիշտ է, դարավոր պատմության մեջ արդեն եղել են ամառային ջրհեղեղներ, բայց բոլորովին այլ մասշտաբներով: Կենտրոնական հրապարակում ջրի մակարդակն առաջին անգամ հասել է 100 սանտիմետրի։ Համեմատության համար նշենք, որ 2019 թվականի նոյեմբերին տեղի ունեցավ ամենամեծ ջրհեղեղը 1966 թվականից ի վեր: Հետո քաղաքում ջուրը բարձրացավ 187 սանտիմետր։ Արդյունքում՝ երկու մարդ մահացավ, և քաղաքը հարյուրավոր միլիոն եվրոյի վնաս կրեց, այս մասին գրում է Rg.ru֊ն:

Վենետիկի քաղաքապետարանի մակընթացությունների կանխատեսման կենտրոնի ղեկավար Ալվիս Պապեին հայտնել է, որ քաղաքում այս պահին որևէ խնդիր չկա: «Այս պահին Պիացա Սան Մարկոն լիովին անվտանգ է: Քաղաքում ընդհանրապես խնդիրներ չկան: Շաբաթ երեկոյան՝ ժամը 21: 00-ից մինչև 23։30 -ը, ծովի մակարդակը բարձրացավ, որից հետո հրապարակը մասամբ հեղեղվեց: Որպես կանոն` նման երևույթները բնորոշ չեն ամառային ժամանակաշրջանին», - բացատրել է Պապեն՝ վստահեցնելով, որ ըստ կանխատեսումների՝ առաջիկա օրերին նոր ջրհեղեղներից վախենալու կարիք չկա: