Տղամարդն իր ամբողջովին մերկ լուսանկարները տեղադրել է Google Maps-ում և ցնցել համացանցը

Google Maps-ն աշխատում է այնպես, որ յուրաքանչյուր օգտատեր կարող է պաշտոնական կայքի միջոցով ներբեռնել իր համապատկերը: Սովորաբար բոլոր կադրերն անցնում են ստուգման, սակայն այս անգամ «բացառություն» է եղել:

Twitter-ի օգտատերերը ուշադրություն են հրավիրել տարօրինակ համապատկերի վրա: Գրառումներից մեկում հեղինակը խնդրել է ընթերցողներին գնալ Google Maps հավելված, որոնել Լոխ Նեսը և անմիջապես բացել փողոցների դիտումը: Ոչ ոք չի պարզաբանել, թե ինչ է լինելու դրանից հետո: Բայց ամեն ինչ պարզ կդառնա, եթե անցնեք ալգորիթմով: Պարզվում է, որ օրեր առաջ քարտեզի օգտագործողներից մեկը տեղադրել էր իր մասնակցությամբ համապատկերը... ամբողջովին մերկ, գրում է Daily Star-ը:

Google-ի սխալի պատճառով երեք օր շարունակ քարտեզի օգտվողները կարող էին Լոխ Նեսի համապատկերում տեսնել մերկ տղամարդուն՝ ցցված առնանդամով: Էրոտիկ արվեստի այս ստեղծագործությունը երեք օրվա ընթացքում դիտվել է ավելի քան 370 հազար անգամ:

Կարելի է մտածել, որ տղամարդը պատահաբար է հրապարակել համապատկերը, սակայն, ըստ երևույթին, դա ամենևին էլ այդպես չէ: Նշվում է, որ սա առաջին անգամը չէ, երբ այս անծանոթը հայտնվում է Google Maps-ում` ամբողջովին մերկ: Ըստ ամենայնի, սա նրա հոբբին է: Նրան հաջողվել է խուսափել ՏՏ հսկայի գրաքննությունից` Էստոնիայում, Ֆրանսիայում, Թուրքիայում և այլ երկրներում արված կադրերով: