Հայտնի է՝ որքան աշխատավարձ կստանա Մեսսին «ՊՍԺ»֊ում

Հարձակվող Լիոնել Մեսսին ֆրանսիական «Պարի Սեն Ժերմեն» ֆուտբոլային ակումբի հետ պայմանագրով՝ կվաստակի ավելի քան 120 միլիոն եվրո՝ ներառյալ աշխատավարձերն ու պարգևավճարները:

Մեսսիի աշխատավարձը կկազմի տարեկան մոտ 41 միլիոն եվրո: Նա դարձավ փարիզցիների ամենաբարձր վարձատրվող խաղացողը՝ անցնելով հարձակվողներ Նեյմարին (տարեկան մոտ 36 միլիոն) և Կիլիան Մբապպեին (տարեկան մոտ 25 միլիոն):

Ինչպես հաղորդում է Reuters-ը, Մեսսիի հետ հաշվարկների մի մասը կիրականացվի ծպտյալ արժույթով:

«Ոսկե գնդակի»  վեցակի դափնեկիր Մեսսին պայմանագիր կնքեց փարիզյան ակումբի հետ: 34-ամյա արգենտինացու հետ համաձայնությունը, ով իր մեծահասակների ողջ կարիերան անցկացրել է «Բարսելոնայում», նախատեսված է երկու տարով՝ ևս մեկ մրցաշրջան երկարաձգելու հնարավորությամբ: