Ադրբեջանը, Պակիստանը և Թուրքիան սկսել են «Երեք եղբայր-2021» համատեղ զորավարժություններ

Սեպտեմբերի 12-ին Բաքվում հանդիսավորությամբ սկսվել են «Երեք եղբայր-2021» զորավարժությունները, որոնց մասնակցում են հատուկջոկատայիններ Ադրբեջանից, Պակիստանից և Թուրքիայից: Այս մասին հայտնում է Ադրբեջանի պաշտպանության նախարարությունը:

Զորավարժությունների բացման արարողության ժամանակ Ադրբեջանի հատուկ նշանակության ջոկատի հրամանատար Հիքմեթ Միրզոևը նշել է, որ Պակիստանն ու Թուրքիան համերաշխություն են հայտնել Բաքվին և աջակցել Ադրբեջանին 2020 թվականի աշնանը Արցախի դեմ ռազմական գործողությունների ընթացքում, և ընթացիկ միջազգային զորավարժությունները «կնպաստենի երեք երկրների զինծառայողների միջև փորձի լայն փոխանակմանը և էական ներդրում կունենա նրանց մասնագիտական պատրաստության մակարդակի հետագա բարելավման գործում»:

Թուրքական պետական «Անադոլու» գործակալությունը երեկ հայտարարել է, որ երեք երկրների առաջին համատեղ զորավարժությունները՝ «Երեք եղբայր-2021»-ը, կտևեն մինչև սեպտեմբերի 20-ը:

«Համատեղ զորավարժությունների հիմնական նպատակն է բարելավել բարեկամ և գործընկեր երկրների հատուկ նշանակության ստորաբաժանումների փոխգործակցությունը ռազմական գործողությունների ընթացքում, խաղաղ և պատերազմական գործողություններին նախապատրաստվելը, գիտելիքների և փորձի փոխանակումը»,- ասվում է հաղորդագրության մեջ:

Այս թեմայով Ադրբեջանի ՊՆ հերթական ապատեղեկատվությունը․ ՀՀ ԶՈւ-ն կրակ չի բացել Կարևորվել է Ադրբեջանի հետ խաղաղության պայմանագրի՝ առանց արհեստական խոչընդոտների ստեղծման ու ձգձգման կնքումը Վեհափառը կոչ է արել միջազգային հանրությանն ու քույր եկեղեցիներին քայլեր ձեռնարկել՝ զսպելու Ադրբեջանին Երբ ասում ես` Թուրքիան լինի միջնորդ, փաստացի քո դեմ ևս մեկ թշնամի ես դնում ու ասում՝ երկուսի դեմ պայքարեմ. Քաղաքագետ Ադրբեջանը հերթական նախապայմանն է իջեցնում. Տիգրան Աբրահամյան