Ամենատարեց ցամաքային կենդանին կուրացել և բիսեքսուալ է դարձել
Այլ189-ամյա հսկայական արու կրիան, որն ապրում է Սուրբ Հեղինեի կղզում, կորցրել է տեսողությունը և հոտառությունը, սակայն պահպանել է գերազանց լսողությունը եւ սեռական հարաբերություններ է ունենում այլ կրիաների հետ, նույնիսկ եթե դրանք արու են, հայտնել է Daily Star-ը:
Սեյշելյան հսկա կրիա Ջոնաթանը համարվում է Երկրի ամենատարեց ցամաքային կենդանին. տեսել է երկու համաշխարհային պատերազմ, Ռուսական հեղափոխություն եւ ԱՄՆ 39 նախագահներ: 1930-ականների կեսերին կրիան հայտնի է դարձել Մեծ Բրիտանիայի ապագա թագավոր Էդվարդ VIII-ի շնորհիվ, որի՝ կղզի կատարած այցի ժամանակ կրան քայլել է նրա մեջքի վրայով:
«Չնայած տարիքին՝ Ջոնաթանը հաճախ է զույգավորում Էմմայի հետ: Իսկ երբեմն Ֆրեդի հետ: Կենդանիներին հաճախ չի հետաքրքրում զուգընկերոջ սեռը», - ասել է կղզու անասնաբույժ Ջո Հոլինսը:
Նա հավելել է, որ, ամենայն հավանականությամբ, կուրության ու հոտի բացակայության պատճառով է, որ Ջոնաթանը այլեւս հետեւողական չէ զուգընկերոջ սեռն ընտրելիս:
«Ինձ համար մեծ պատիվ է հոգ տանել երկրի ամենատարեց կենդանու մասին: Սակայն չգիտեմ, թե ինչ կարող է պահահել հաջորդ պահին: Գուցե վաղը Ջոնաթանին սատկած գտնեմ: Գուցե նա, ընդհակառակը, բոլորիցս շատ ապրի եւ նշի իր ծննդյան 250-ամյակը», - ասել է Հոլինսը: