Քվեարկության մասնակցությունը կարող էր ստեղծել վատ նախադեպ. ՔՊ-ն չմասնակցեց քննիչ հանձնաժողովի նախագծի քվեարկությանը
Տեսանյութեր«Մեր ընդդիմադիր գործընկերներին խնդրում եմ հաշվի առնել այն լիազորությունները, որոնք դրված են խորհրդարանի առջև: Եթե վկայակոչում եք դատական օրենսգրքի որևէ հոդվածի անկատարություն, ապա կարող եք օրենսդրական վերահսկողություն սահմանել». Այս մասին այսօր՝ հոկտեմբերի 28-ին, ԱԺ-ում ասաց իշխանական պատգամավոր Նազելի Բաղդասարյանը:
«Քաղաքացիական պայմանագիր» խմբակցությունը չմասնակցեց «Դատարաններում գործերի` օրենքով սահմանված բաշխման կարգի խախտմամբ, ինչպես նաեւ Արդարադատության նախարարի կողմից դատավորների նկատմամբ կարգապահական վարույթների հարուցմամբ արդար դատաքննությունը խոչընդոտող փաստերն ուսումնասիրող քննիչ հանձնաժողովի անդամների թիվը սահմանելու մասին» ԱԺ որոշման նախագծի քվեարկությանը:
Խմբակցության քարտուղար Նազելի Բաղդասարյանը նշեց, թե ՔՊ-ն չէր կարող այս նախաձեռնությանը կողմ քվեարկել, քանի որ այն ԱԺ իրավասություններից դուրս է.
«Հայաստան» խմբակցության պատգամավոր Արամ Վարդևանյանն էլ պարզաբանեց, որ քննիչ հանձնաժողովն իրավունքի ուժով արդեն ստեղծված է, ՔՊ-ի՝ քվերակությանը չմասնակցելը որևէ հետևանք իրենից չի ենթադրում.
«Պարզապես այս խմբակցությունը չի մասնակցելու հանձնաժողովի աշխատանքներին, ինչում ես որևէ խնդիր չեմ տեսնելու: Քննիչ հանձնաժողովն իր գործունեությունն իրականացնելու է ԱԺ իրավասությունների տիրույթում, այդ տիրույթից դուրս չի գալու և ամեն կերպ նպաստելու է, որ արդար դատաքննության իրավունքի խախտումների վերանան կամ նվազեն»,-ասաց Վարդևանյանը:
ՈՒՂԻՂ ԵԹԵՐ
Ամենադիտված 
Փաշինյանի դուստրերի լուսանկարները՝ Չինաստանից
