«Այս տարին անկանխատեսելի էր, փորձություններով լի, տագնապի զգացումով ու ապագայի հանդեպ անորոշությամբ». Սիրուշո
Լուսանկարներ
Երգչուհի Սիրուշոն Ինստագրամի իր էջում նոր լուսանկարներ է հրապարակել և ամփոփել իր աշխատանքային տարին:
«Այս տարին անկանխատեսելի էր, փորձություններով լի, տագնապի զգացումով ու ապագայի հանդեպ անորոշությամբ:
Չնայած այս ամենին, միևնույն է չդադարեցինք աշխատել, ու գրանցեցինք մեզ համար նոր ձեռքբերումներ»,- որպես նախաբան` գրել է երգչուհին:
Նա նաև խոսել է իր «Պռեգոմեշ» ապրանքանիշի գրանցած հաջողությունների ու երգարվեստում իր կատարած աշխատանքի մասին:
«Ներկայացրեցի երկու միջազգային համագործակցություն Alexander Rybak - ի և Redone-ի հետ:
Թողարկեցի «Body on body»- ն և « Ես ու Դու »: Ուրախ եմ, որ երկուսն էլ այդ աստիճան սիրվեցին ու տարածում գտան»,- գրել է Սիրուշոն և հավելել. «Այս տարին հերթական անգամ եկավ ապացուցելու, որ անկախ ամենինչից պետք է աշխատել, չհանձնվել, ելքեր ու լուծումներ գտնել, արդար ու ազնիվ լինել, նախ ինքդ քո առջև հետո շրջապատիդ, որպեսզի կարողանաս ստեղծել այն, ինչ ոչ ոք չի կարող տանել քեզնից»:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
