Սրճարանի աշխատակիցը բռնել է ավազակին աթոռի օգնությամբ (տեսանյութ)

Բրազիլիայում սրճարանի խիզախ աշխատակիցն այցելուների աչքի առաջ բռնել է ավազակին և հայտնի դարձել համացանցում, հաղորդում է Daily Mail-ը։

Տեսանյութում պատկերված միջադեպը տեղի է ունեցել Սանտա Կատարինա նահանգի Բրուշկի մունիցիպալիտետում կիրակի օրը՝ դեկտեմբերի 26-ին։ Սաղավարտով տղամարդը մտել է սրճարան, որտեղ մոտ մեկ տասնյակ հաճախորդներ են եղել, այդ թվում՝ մի քանի երեխա, և անմիջապես մոտեցել դրամարկղին։

Նա հանել է դանակը և պահանջել իրեն տալ հաստատության ունեցած ողջ գումարը։ Մինչ գանձապահը հանում էր փողը, աշխատակիցներից մեկը հասկացավ, թե ինչ է կատարվում և որոշեց օգնության հասնել գործընկերոջը։ Նա վերցրեց աթոռը, մոտեցավ ավազակի հետևից և սկսեց կահույքով ծեծել նրան։ Հանցագործն անօգնական վիճակում հայտնվեց, և հաստատության աշխատակիցներին հաջողվեց տապալել նրան գետնին։

Արձանագրություն կազմելուց առաջ դեպքի վայր ժամանած ոստիկանները ստիպված են եղել պաշտպանել հանցագործին զայրացած այցելուներից, ովքեր փորձում էին տեղում պատժել նրան։ «Մարդկանց պետք էր զսպել, քանի որ սկսել էին ծեծել ավազակին։ Մինչ մեր տեղ հասնելը, նա արդեն լավ ծեծ էր կերել»,- ասել է հանցագործության վայրում աշխատող սպաներից մեկը։