Կատաղած կապիկներն ահաբեկում են թաիլանդական քաղաքը (տեսանյութ)

Թաիլանդում կատաղած վայրի կապիկների խումբն ահաբեկում է Բանգկոկից 150 կիլոմետր հյուսիս գտնվող քաղաքը:

Լոպբուրին երկրում վաղուց հայտնի է մակակաների հսկայական պոպուլյացիայով, որոնք ամբողջ աշխարհից զբոսաշրջիկներ են գրավում: Տեղացիները նաև ամենամյա փառատոն են անցկացնում՝ ի պատիվ պրիմատների։

Սովորաբար կապիկներին առատ կերակրում էին զբոսաշրջիկները, սակայն համաճարակի ժամանակ տեղացիները նույնպես սկսել են նրանց ուտելիք տալ։

Կորոնավիրուսային կարանտինի սկզբից ի վեր քաղաքում 6000 կապիկներ դարձել են ավելի ագրեսիվ. այժմ նրանք մտնում են տներ և գողանում այն ​​ամենը, ինչ վատ է թաքցված:

Մի լքված կինոթատրոն նույնիսկ դարձել էր նրանց «բազան». տեղաբնակներն ասում են, որ ցանկացած մարդ, որ փորձում էր ներս մտնել, ենթարկվում էր հարձակման։

Բացի այդ, մրցակից կապիկների ոհմակների միջև դաժան բախումները երբեմն փակում են ճանապարհները:

Բնակիչները ենթադրում են, որ մոտակա անտառների հատումը կենդանիներին բերել է քաղաք։

Քաղաքային իշխանությունները պրիմատներին գցում են վանդակների մեջ և տանում ստերիլիզացման, բայց, այնուամենայնիվ, կապիկների թիվը գնալով աճում է:

Միաժամանակ, քաղաքում ոչ բոլորն են ցանկանում ազատվել մակակներից։ Լոպբուրիի որոշ բնակիչներ ասում են, որ կկարոտեն կապիկներին, եթե նրանք հեռանան: