Աղջիկը փչացրել է իր նախկին ընկերոջ հարսանիքը՝ նրան վերադարձնելու հույսով
ԱյլՉինաստանի բնակչուհին գնացել է նախկին ընկերոջ հարսանիքին և փչացրել տոնակատարությունը, հայտնում է World of Buzz-ը։ Աղջիկն սկսել է լաց լինել և ճչալ հարսանեկան խնջույքի մասնակիցների առջև:
Ինչպես պատմել են դեպքի ականատեսները, անկոչ հյուրը սպիտակ զգեստ է հագել ու փեսային լացելով խնդրել է վերադառնալ՝ ասելով, որ սխալվել է։ Տեղական լրատվամիջոցների փոխանցմամբ՝ նրանք բաժանվել են հարսանիքից անմիջապես առաջ։ Հաղորդվում է, որ աղջկա մայրը ցանկացել է ապագա փեսայից որպես օժիտ ստանալ 103 հազար դոլար եւ հրաժարվել է փոխզիջման գնալ։
Իրավիճակն այնքան է հունից հանել չինացուն, որ նա որոշել է բաժանվել աղջկանից, ինչից հետո սկսել է նոր հարաբերություններ։ Բացի այդ, չինուհին ասել է, որ իր ընտանիքը համաձայնել է մի քանի անգամ կրճատել նախկին գումարը։ Նշվում է, որ, այնուամենայնիվ, տղամարդը մերժել է նրան: