Քերոբյանի PR-ը` «Քեթրինի Միհրանի» ազգականի ներդրումների հաշվին

Կառավարության փետրվարի 3-ի նիստում հաստատվեց Ապարանի Եղիպատրուշ գյուղի վարչական սահմաններում լեռնային համալիր կառուցող «Մայլեռ Մաունթայն Ռեզորթ» ՓԲԸ-ի ներդրումային ծրագրի իրականացման փուլերի ժամանակացույցի մասին պայմանագիրը, որը կնքվելու է ընկերության և էկոնոմիկայի նախարարության միջև

Հիշեցնենք՝ այս ներդրումային ծրագիրը «Մայլեռ Մաունթայն Ռեզորթ» ընկերության համար առաջինը չէ։ 2018 թվականին այս ընկերությունը, որն այդ ժամանակ կոչվում էր «Մայմեխ սկի ռեզորթ», Լոռու մարզում՝ Մայմեխ լեռան լանջին, նախատեսում էր լեռնադահուկային համալիր կառուցել։ 2018 թվականի մարտի 6-ին կառավարության որոշմամբ՝ «Մայմեխ սկի ռեզորթ» փակ բաժնետիրական ընկերությանը թույլատրվել էր 584 հեկտար մակերեսով տարածքում, իրականացնել օտարման ենթակա սեփականության նախնական ուսումնասիրություն` կատարել չափագրումներ, նկարահանումներ և կազմել օտարման ենթակա սեփականության օբյեկտների նկարագրության արձանագրությունները:

Սակայն մեկուկես տարի անց՝ 2019թ․ հոկտեմբերի 10-ին, կառավարության մեկ այլ որոշմամբ՝ ուժը կորցրած ճանաչվեց 2018թ․ մարտի 6-ի որոշումը, քանի որ հողերի նախնական ուսումնասիրության ընթացքում պարզվել էր, որ օտարման ենթակա հողերի վրա գործում են հասարակության և պետության կարիքների համար նախատեսված սեփականութուններ, որոնց օտարումն օրենքով սահմանափակված է։

Իրավաբանական անձանց պետական ռեգիստրի տվյալներով՝ «Մայմեխ սկի ռեզորթ» ՓԲԸ-ն (այժմ արդեն «Մայլեռ Մաունթայն Ռեզորթ») ստեղծվել է 2017թ․ դեկտեմբերի 21-ին։ Ընկերության կանոնադրությունից պարզ է դառնում, որ ՓԲԸ հիմնադիրը «Միկշին» ՍՊԸ-ն է։ «Միկշին» ՍՊԸ-ի սեփականատերը Տիգրան Հարությունյանն է, որը Ազգային ժողովի նախկին պատգամավոր Վահան Հարությունյանի եղբայրն է, ԴԱՀԿ ծառայության նախկին պետ Միհրան Պողոսյանի քեռու՝ Միխաիլ Հարությունյանի որդին։

Ըստ էության, հենց Քերոբյանի ջանքերով է տվյալ նախագիծը հավանության առաջացել, չնայած որ ընթացքում անգամ հակասություններ էին ի հայտ եկել էկոնոմիկայի նախարարության և Արագածոտնի մարզպետարանի միջև: Ըստ ներկայացված նախագծի՝ նախաձեռնվելու է ծրագրով նախատեսված հողատարածքների նկատմամբ հանրության գերակա շահ ճանաչելու և նպատակային նշանակության փոփոխման գործընթաց։ Այս առնչությամբ Արագածոտնի արդեն նախկին մարզպետ Դավիթ Գևորգյանը նշել էր, թե ներկայացված պահանջները հակասում են օրենսդրությանը, և հնարավոր չէ մարզպետի կամ համայնքի ղեկավարի որոշումներով ուղղակի վերցնել և տարածքը փոխանցել ներդրողին։ Լսելով Արագածոտնի մարզպետի մտահոգությունները՝ վարչապետի պաշտոնակատար Նիկոլ Փաշինյանը հորդորեց վերջ տալ խուճապային տրամադրություններին, ինչից հետո որոշման նախագիծը դրվեց քվեարկության և ընդունվեց։

Քերոբյանի կատարած աշխատանքը ինչպես ասում են` ջուրը չթափվեց և այսօր նա ամեն քայլին հպարտանում է տվյալ ներդրումային ծրագրով: Հեղափոխական իշխանություններին չի հուզում անգամ այն փաստը, որ ներդրողն իրենց կողմից կոռուպցիոներ և օֆշորների գեներալ հռչակված Միհրան Պողոսյանի ազգականն է: Ինչ խոսք՝ ազգականը չի կրում պատասխանատվություն այս կամ այն պոտենցիալ կոռուպցիոն ռիսկի համար, որը, ըստ իշխանությունների, առկա է եղել Միհրան Պողոսյանի գործողություններում, մյուս կողմից էլ գուցե կարիք չկար Պողոսյանի անձի շուրջ այդպիսի շոու և աղմուկ բարձրացնել, եթե մի քանի տարի անց վերջինիս ազգականին պետք է բիզնես արտոնություններ շնորհեին և փիառվեին արդյունքների վրա: Դեռևս այս ներդրումային ծրագրից շահում է միայն «Մայլեռ Մաունթայն Ռեզորթ» ընկերությունը:

Այս թեմայով Պետքարտուղար Բլինկենն ու Թուրքիայի ԱԳ նախարար Հաքան Ֆիդանը հանդիպում են ունեցել Արարատ Միրզոյանը հանդիպել է Ֆրանսիայի նորանշանակ նախարար Ժան-Նոել Բարոյին Արդարադատության նախարարը նախազգուշացում է տվել Վահագն Դավթյանին Կիպրոսի պաշտպանության նախարարը ժամանել է Հայաստան Արարատ Միրզոյանը հանդիպում է ունեցել Ալժիրի ԱԳ նախարար Ահմեդ Ատտաֆի հետ. մանրամասներ