Իշխանությունների անթաքույց լոյալությունը նախկին պաշտոնյաների որդիների հանդեպ

Նոր Հայաստանի իշխանությունները բավական լոյալ են գտնվում ոչ միայն նախկին պաշտոնյաների, այլ նաև վերջիներիս որդիների հանդեպ: Գաղտնիք չէ, որ հեղափոխությունից հետո մի շարք ռեզոնանսային քրեական գործեր հարուցվեցին, որոնց կիզակետում հենց նախկին պաշտոնյաների զավակներն էին, սակայն նրանք շատ արագ լքեցին ՔԿՀ-ի անհարմար պատերը, իհարկե՝ բավական լուրջ գրավի դիմաց:

Դիցուք՝  2020 թվականին մեղադրանք էր առաջադրվել նախկին պատգամավոր Սռաքել Մովսիսյանի որդուն: Հիշեցնենք, որ ողբերգական միջադեպը տեղի է ունեցել 2020թ. հունվարի 30-ին ՝ ժամը 13:15-ի սահմաններում, ՊՆ ուսումնական կենտրոնում. N զորամասի զինծառայող Վահրամ Մկրտիչի Ավագյանն իրեն ամրակցված ԱԿՄ ինքնաձիգից կրակել է իր կրծքին և  մահացել:ԱԺ նախկին պատգամավոր Առաքել Մովսիսյանի (հայտնի է որպես "Շմայս") որդին՝ Դավիթ Մովսիսյանը, ինչպես նաեւ եւս երկու անձ՝ Խաչիկ Գասպարյանը եւ Սպարտակ Ավետիսյանը, ձերբակալվել են ժամկետային զինծառայող, շարքային Վահրամ Ավագյանի մահվանն առնչվող քրեական գործի շրջանակներում: Սակայն, ընդհանուր իրավասության դատարանի որոշմամբ Մովսիսյանի որդին՝ Դավիթ Մովսիսյանն ազատ է արձակվել:

Երրորդ նախագահ Սերժ Սարգսյանի եղբոր ՝ Սաշիկ Սարգսյանի որդին Հայկը հեղափոխությունից հետո  նույնպես կալանավորվել էր, մեղադրվում էր 2007 թվականին սպանության փորձ կատարելու և ապօրինի զենք-զինամթերք կրելու մեջ: Սակայն մեղադրանքը դատարանին այնքան էլ համոզիչ չթվաց և արդյունքում Սարգսյանը ազատ արձակվեց՝ 50 միլիոն գրավի դիմաց:

Մեղադրանք էր առաջադրվել նաև նախկին պատգամավոր Վարդան Ղուկասյանի որդուն: Հիշեցնենք, որ Սպարտակ Ղուկասյանը ձերբակալվել էր նախորդ տարվա օգոստոսի 19-ին՝ ոստիկանության ծառայողի նկատմամբ բռնություն գործադրելու սպառնալիքների կասկածանքով։ Չնայած դրան՝ Շիրակի մարզի ընդհանուր իրավասության դատարանը մերժել է Սպարտակ Ղուկասյանի նկատմամբ կալանավորումը որպես խափանման միջոց ընտրելու մասին քննիչի միջնորդությունը։ Դատարանի որոշման հրապարակումից հետո Ղուկասյանն ազատ է արձակվել՝ հենց դատական նիստերի դահլիճից։ 

Հեղափոխությունից հետո ձերբակալվել էր նաև ՄԱՊ-ի Ալիկի՝ Ալեքսան Պետրոսյանի որդին Մակար Պետրոսյանը: Նա անցնում էր այսպես կոչված` Սիլվայի գործով: Թե ինչ հանգամանքներում է ազատ արձակվել նախկին պատգամավորի որդին, վճարվել է արդյոք գրավ, ինչպես դա եղավ հենց Ալեքսան Պետրոսյանի դեպքում՝ հայտնի չէ:

Ուշագրավ է, որ գրավի դիմաց մեղադրյալին ազատ արձակելու պրակտիկան չի գործում օրինակ՝ ընդդիմադիր համայնքապետերի դեպքում, Քաջարանի և Գորիսի կալանավորված քաղաքապետերի փաստաբանների դիմումները՝ գրավի դիմաց իրենց պաշտպանյալներին ազատ արձակելու մասով մշտապես մերժվում են բարձր դատարանի կողմից: Միևնույն ժամանակ, ինչպես տեսնում ենք՝ այդ նույն դատարանները անչափ լոյալ են թե նախկին պաշտոնյաների հանդեպ՝ նրանցից և ոչ մեկ մինչ օրս չի կալանավորվել, թե նրանց որդիների, ում ազատ են արձակել, իսկ քրեական գործերը՝ կարճել...

Այս թեմայով Հայաստանի և Ադրբեջանի սահմանազատման հանձնաժողովների համատեղ գործունեության կանոնակարգի վերաբերյալ ՀՀԿ Գործադիր մարմինը հայտարարություն է տարածել ՀՀԿ երիտասարդները Պեկինում մասնակցում են «Գլոբալ գործընկերության կառուցում՝ հանուն զարգացման» սեմինարին ՀՀԿ ներկայացուցիչները հանդիպել են «Հանուն խաղաղության և զինաթափման ՉԺ ասոցիացիայի» քարտուղարի հետ ՈՒՂԻՂ․ ՀՀԿ ԳՄ անդամ Էդուարդ Շարնմազանովի ասուլիսը ՀՀԿ ԵԿ անդամ Ժորա Ավետիսյանին ոստիկանները տարել էին անհայտ ուղղությամբ․ վաղը նրա դատն է