Գերշահույթներ ստացած օլիգարխներն անտեսում են Փաշինյանի հորդորը
Վերլուծական
ՊԵԿ-ը հանրությանն է ներկայացրել 2022 թվականի առաջին եռամսյակի 1000 խոշոր հարկատուների ցանկը։ Հրապարակված ցուցանիշների համաձայն՝ խոշոր հարկ վճարողների ցուցակը գլխավորում է Զանգեզուրի պղնձամոլիբդենային կոմբինատը։ Ընկերության կողմից պետական բյուջե է վճարվել 35.45 մլրդ դրամ։ Երկրորդ տեղում է «Գազպրոմ Արմենիա»-ն՝ 20.08 մլրդ դրամ հարկ։ Երրորդ տեղում է ՀՀ ՊՆ աշխատակազմը՝ 8.63 մլրդ դրամ։ Չորրորդ տեղում է «Գրանդ Տոբակո»-ն, որը պետբյուջե է վճարել 7.87 մլրդ դրամ հարկ։ Հինգերորդ տեղում է «Ինտերնեյշնլ Մասիս Տաբակ»-ը, որը պետբյուջե է վճարել 5.87 մլրդ դրամ հարկ։ «Ֆլեշ»-ը 6-րդն է՝ 3.85 մլրդ դրամ։ Թեղուտը յոթերորդ տեղում է՝ 3.83 մլրդ դրամ։ Ագարակի պղնձա-մոլիբդենային կոմբինատը («Գեոպրոմայնինգ Գոլդ») 8-րդ հորիզանականում է, ընկերությունը բյուջե է մուծել 3.60 մլրդ դրամ հարկ։ Իններորդ տեղում է «Հայաստանի էլեկտրական ցանցեր»-ը՝ 3.49 մլրդ դրամով։ Սոֆթ Կոնստրակտը եզրափակում է տասնյակը, ընկերությունը բյուջե է մուծել 3.15 մլրդ դրամ հարկ։
Ինչպես տեսնում ենք` նախկին պաշտոնյաների և օլիգարխների բիզնեսներից առաջին տասնյակում ներկայացված է միայն Բարսեղ Բեգլարյանի «Ֆլեշ»-ը։ Նախորդ տարի Ֆլեշը պետական բյուջե է վճարել 10,622,206 դրամի հարկ, իսկ նախահեղափոխական 2017-ին՝ 4,213,870.7 դրամի հարկ:
«Սի Փի Էս Օիլ»-ը, որը պատկանում է նախկին պատգամավոր Հարություն Փամբուկյանին, այս տարվա երեք ամիսների կտրվածքով պետական բյուջե է վճարել 2,144,690 դրամի հարկ: 2021-ին առաջին տասնյակում էր ընկերությունը աչքի է ընկել 15,4 միլիարդ դրամ վճարած հարկերով, մինչ հեղափոխությունը ` 2017 թվականին ընկերությունը 7-րդն էր 13 միլիարդ վճարած հարկերով։
Նախկին ՀՀԿ-ական պատգամավոր Աշոտ Արսենյանին պատկանող «Ջերմուկ Գրուպ»-ը այս տարվա երեք ամիսների կտրվածքով հայտնվել է 173-րդ տեղում, վճարած՝ 316,904 դրամ հարկով: Նախորդ տարի «Ջերմուկ Գրուպ»-ը 124-րդն էր՝ 1,880,202 դրամ հարկով: 2017 թվականին Աշոտ Արսենյանի ընկերությունը 122-ն էր՝ վճարած 646,472.3 դրամով:
Այս տարվա երեք ամիսների ընթացքում Սամվել Ալեքսանյանի «Սիթի»-ն պետական բյուջե է վճարել 2,549,905 դրամի հարկ: Սամվել Ալեքսանյանին պատկանող «ՍԻԹԻ» ընկերությունը, որը միավորում է «Երեւան ՍԻԹԻ» սուպերմարկետների ցանցը, նախորդ տարի վճարել է 1 մլրդ 747 մլրդ դրամ։ Նախահեղափոխական տարում Ալեքսանյանի Սիթին ցուցակում չորորդն էր` 21 միլիարդ դրամ վճարած հարկերով։ Ինչպես տեսնում ենք՝ անկումը բավական նկատելի է:
Հեղափոխությունը, փաստորեն, որևէ կերպ չի արտահայտվել օլիգարխների և նախկին պաշտոնյաներին փոխկապակցված ընկերությունների կողմից վճարվող հարկերի կտրուկ ավելացմանը: Մինչդեռ թվում էր, որ օրինակ` բենզինի կամ շաքարավազի շուկայում նկատվող կտրուկ թանկացումները, որոնք անկասկած բերել են վերը նշված տնտեսվարողների կողմից գերշահույթների ստացմանը, պետք է հանգեցնի նաև բյուջեի մուտքերի կտրուկ ավելացմանը, սակայն եղավ դրա հակառակը: Չի ազդել նաև Փաշինյանի՝ հեղափոխությունից անմիջապես հետո արված հորդորը, որտեղ նա կոչ էր անում նախկիններին մաքուր աշխատել, դուրս գալ ստվերից և այդ դեպքում նրանք պետության հետ որևէ խնդիր չեն ունենա:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
