Թիմակիցներից ում վրա և ինչ կոմպրոմատներ կարող է ունենալ Նիկոլ Փաշինյանը

Նիկոլ Փաշինյանի նախկին թիմակից Արսեն Ջուլֆալակյանը հարցազրույցներից մեկում հայտարարել է, որ վարչապետը ՔՊ-ականներին լոյալ պահելու համար վերջիններիս վրա այս ընթացքում սեռական և ֆինանսական բնույթի կոմպրոմատներ է հավաքել: Հաշվի առնելով Նիկոլ Փաշինյանի մեթոդները՝ կարելի է և հավատալ Ջուլֆալակյանի խոսքերին, սակայն հարց է առաջանում` իսկ ովքե՞ր են այն ՔՊ-ականները, որոնց վրա Փաշինյանը, թեկուզ տեսականորեն, սակայն կարող է կոմպրոմատ ունենալ:

Գաղտնիք չէ, որ այս տարիների ընթացքում բազմաթիվ ՔՊ-ական պաշտոնյաներ են հայտնվել դատախազության, կոռուպցիայի կանխարգելման հանձնաժողովի ուշադրության կենտրոնում, թերևս այն պարզ պատճառով, որ այս կառույցները ՔՊ-ականների դեմ ունեին որոշակի փաստեր: Մյուս կողմից` գաղտնիք չէ, որ ՔՊ-ականներից և ոչ մեկ չպատժվեց և դա էլ դժվար թե տեղի ունենար առանց վերևների օգնության:

Դիցուք՝ հեղափոխությունից հետո տեղեկություն էր տարածվել, որ այն ժամանակ փոխվարչապետի պաշտոնը զբաղեցնող Ավինյանի ընկերությունը 35 հազար դոլարի գրանտ էր ստացել չրի արտադրությունը զարգացնելու համար: Սուրբ Աթոռում ՀՀ նախկին դեսպան Միքայել Մինասյանը հրապարակել էր փաստաթղթեր, ըստ որոնց՝ փոխվարչապետ Տիգրան Ավինյանի հրամանով՝ պետական գույք հանդիսացող շինությունը վաճառվել էր 10 անգամ շուկայականից էժան գնով, և այդ մեկ գործարքից ոմանք աշխատել էին շուրջ 2 միլիոն դոլար։ Գործարքի մասին, ըստ Մինասյանի, տեղյակ է եղել նաև Պետական Գույքի կառավարման կոմիտեի այդ ժամանակվա ղեկավար Նարեկ Բաբայանը, ով ասօր պատգամավոր է։ Հիշեցնենք` Բաբայանը Լենա Նազարյանի ամուսինն է։

Անցյալ տարի մեծ աղմուկ բարձրացրեց կառավարական առանձնատների վերանորոգման հարցը: Ըստ լուրերի` կառավարական առանձնատների վերանորոգման համար 2 մլն դոլար էին ծախսել և այստեղ առկա էր բացահայտ կոռուպցիոն ռիսկ: Կոնդի առանձնատների տնտեսություն ՊՈԱԿ-ի տնօրենի լիազորությունները կատարում էր Արուսյակ Մանավազյանը, ով այսօր արդեն ԱԺ պատգամավոր է, շրջանառվում էր նաև ներկայումս պատգամավորի աթոռը զբաղեցնող էդուարդ Աղաջանյանի անունը:

Երկու տարի առաջ Կոռուպցիայի կանխարգելման հանձնաժողովը իրավիճակային շահերի բախման առերևույթ դեպքի հիմքով վարույթը է հարուցել Առողջապահության նախարար Արսեն Թորոսյանի նկատմամբ։ Վարույթի հիմք է հանդիսացել data.hetq.am-ի գրությունը։ Մենք հանձնաժողովին տեղակացրել էինք, որ առողջապահության նախարարությունը ծառայությունների մատուցման պայմանագրեր է կնքել «Միբս» ընկերության հետ, որի տնօրենը նախարար Արսեն Թորոսյանի կինն է՝ Վարդանուշ Թևանյանը։

2020 թվականին դեռևս Երևանի քաղաքապետի պաշտոնը զբաղեցնող Հայկ Մարությանի կողմից անհամատեղելիության պահանջների առերեւույթ խախտման վերաբերյալ հրապարակված փաստերի հիմքով Կոռուպցիայի կանխագերլման Հանձնաժողովը վարույթ հարուցելու մասին որոշում էր կայացրել, հայտարարելով, որ որևէ խախտում տեղի չի ունեցել:

Գարիկ Սարգսյանը,  ով այսօր զբաղեցնում է Վեդի համայնքի ղեկավարի պաշտոնը, նույնպես աչքի է ընկել մի շարք օրինախախտ քայլերով, մասնավորապես` օրենքի խախտումներով համայնքների ղեկավարներ նշանակելով, ինչը միանշանակ պատժելի արարք է:

Ամիսներ առաջ ՊՎԾ աշխատակիցները մտել էին առողջապահության  նախարարի ընկերուհու՝ նրա կողմից նշանակված աշխատակազմի ղեկավար-գլխավոր քարտուղար Վարդուհի Գրիգորյանի աշխատասենյակ, ուսումնասիրել նրա համակարգիչը եւ տարել Գրիգորյանի էլեկտրոնային նամակագրությունը: Ստուգումների առիթը եղել են էլեկտրոնային կառավարման «Mulberry» համակարգում կատարված գրառումները, իսկ ավելի ստույգ՝ Պետական առողջապահական գործակալության (ՊԱԳ) պետ Ծաղիկ Վարդանյանի գրառումը: Վարդանյանը, ըստ տեղեկությունների,  «Mulberry» համակարգում գրառում է արել, որտեղ նշել է, որ ինքը չի մասնակցել պետպատվերի բաշխմանը՝ «Բժշկական օգնություն-սպասարկում» հոդվածներով: Փաստորեն, հիվանդանոցներին եւ պոլիկլինիկաներին տրամադրվող գումարների բաշխումն իրականացրել են առողջապահության նախարար Անահիտ Ավանեսյանն ու նախարարության աշխատակազմի ղեկավար Վարդուհի Գրիգորյանը, որը նախարարի ամենահավատարիմ մարդն է համակարգում:

Պատերազմից հետո տեղեկություն տարածվեց նաև Անդրանիկ Քոչարյանի անվան հետ կապված: Այդ դրվագը վերաբերում էր պատերազմի մեջ գտնվող երկրին զենք-զինամթերք մատակարարելուն։ Մամուլը գրել էր, որ «Անդրանիկ Քոչարյանն իր ծանոթ գործարարի միջոցով փորձել է զենք մատակարարել բանակին, որը մի քանի անգամ թանկ է եղել, իսկ երբեմն էլ՝ կիրառման համար ոչ այնքան պիտանի։ Եվ միայն ԳՇ պետի ջանքերով այդ փորձերը կանխվել են։ Մեր ձեռքի տակ են այդ չկայացած գործարքի փաստաթղթերը, պաշտոնական գրագրությունը, փորձագիտական եզրակացությունը, որի հիման վրա էլ մերժվել է զենքի մատակարարման առաջարկը»։

Կարո՞ղ են այս դրվագները, որոնցից, ըստ էության, Փաշինյանի թիմակիցները ջրից չոր են դուրս եկել, լինել կոմպրոմատ Փաշինյանի ձեռքում վերջիններիս լոյալ պահելու համար. իհարկե, կարող են: Չի բացառվում, որ թիմակիցներին վերը նշված պատմություններում ազատելը նաև այդ նպատակն էր հետապնդում, այն է` հետո նրանց դեմ ունենալ ուժեղ խաղաքարտ և կանխել ցանկացած կենտրոնախույս քայլեր ՔՊ-ականների կողմից...

Այս թեմայով Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան Նիկոլ Փաշինյանն ու Աննա Հակոբյանը թիկնապահների ուղեկցությամբ մտան Մայր Տաճար. (տեսանյութ) Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան