Մարտին Գալստյանին կազատե՞ն պաշտոնից. ԿԲ նախագահի ձախողումները շարունակվում են

ԿԲ նախագահ Մարտին Գալստյանի գործողությունները վերջին շրջանում զարմանք են առաջացնում, առաջին հերթին հենց այն պատճառով, որ անգամ փորձագիտական համայնքը չի հասկանում դրանց տրամաբանությունը: Ինչպես երևում է՝ Գալստյանից դժգոհ են նաև իշխանության վերին էշելոններում․ որոշ տեղեկությունների համաձայն՝ մինչև տարվա վերջ ԿԲ նախագահը պաշտոնանկ է արվելու:

Իսկ որո՞նք են նման քայլի գնալու պատճառները: Նախ և առաջ այն, որ Մարտին Գալստյանը, ըստ էության, ձախողել է իր առջև դրված բոլոր առաջադրանքները: Հայաստանի արժութային շուկայում վերջին շաբաթներին իսկական խառնաշփոթ է տիրում։ Ռուբլու արժեզրկումն աստիճանաբար փոխանցվում է դրամին։ Ստեղծված իրավիճակում Նիկոլ Փաշինյանը հստակ հրահանգ էր տվել տնտեսական բլոկի պատասխանատուներին՝ ակտիվ աշխատել և քայլեր իրականացնել առկա ռիսկերը մինիմալիզացնելու համար: Սակայն, Մարտին Գալստյանը, գործուն քայլերի փոխարեն՝ որոշեց հանդես գալ հուժկու վերլուծականով, թե ինչպիսի ռիսկեր են սպասվում ՀՀ տնտեսությանը: Արդյունքում՝ միայն խոսքեր և զրո քայլ դրանք կանխելու և հաղթահարելու ուղղությամբ:

Արտահանողների մի մասը արդեն տուժել է ռուսական ռուբլու արժեզրկումից, հիմա էլ՝ մյուս մասը տուժում է դոլարի/եվրոյի արժեզրկումից և կրկին ԿԲ-ն անգործության է մաստնված՝ նախընտրելով պահպանել չեզոք դիրք: Հարկ է նշել, որ 2022 թվականի համար կենտրոնական բանկը նախանշել է 5,5 տոկոս գնաճ, սակայն, փաստացի, հունվար-մարտ ամիսներին սպառողական գների ինդեքը կազմել է 7,8 տոկոս, այսինքն՝ ԿԲ-ն հեռու է իր նպատակից և այս հարցում նույնպես Մարտին Գալստյանը ձախողել է:

Ավելին, ինչպես ասում են՝ ունքը սարքելու փոխարեն աչքը հանելու սովորությունը որևէ տեղ չի անհետացել և ահա՝ ԿԲ-ն, փորձելով զսպել գնաճը, սնանկացնում է տեղական բիզնեսը: Պաշտոնական վիճակագրությամբ՝ 2022 թվականի մարտին՝ փետրվարի համեմատ, Հայաստանից արտահանումը նվազել է 12,2 տոկոսով։ Հիմնականում տուժել են ալկոհոլային խմիչքների, պահածոների, սննդամթերքի, սիգարետի արդյունաբերական ընկերությունների արտահանումը։ Եվ ճիշտ հակառակը՝ ներկայումս շահում են ներկրող-մենաշնորհները (կարագ, ձեթ, ալյուր, շաքարավազ, բենզին և այլն), որոնք շարունակում են գին թելադրել շուկայում։ Այսինքն՝ ԿԲ նախագահի պասիվությունը և սխալ հաշվարկները դեռ մի բան էլ հանգեցրել են մենաշնորհի ծաղկմանը:

Այսքանից հետո հասկանալի է, թե ինչու են կառավարության կուլիսներում քննարկում Մարտին Գալստյանին փոխարինելու հարցը, թեև մյուս ոլորտների ղեկավարները նույնպես չեն փայլում պրոֆեսիոնալիզմով և խնդիրներին օպերատիվ լուծումներ տալու կարողությամբ, սակայն, ԿԲ-ն բավական առանցքային կառույց է և նրա մեկ սխալը կարող է անչափ թանկ նստել տնտեսության և ընդհանուր առմամբ պետության վրա։

Այս թեմայով Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան Նիկոլ Փաշինյանն ու Աննա Հակոբյանը թիկնապահների ուղեկցությամբ մտան Մայր Տաճար. (տեսանյութ) Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան