ՔՊ-ական նախկին և գործող մարզպետները միմյանց «պատերազմ» են հայտարարե՞լ

Դիցուք, վերջին օրերին զգալիորեն սրվել են Կոտայքի նախկին և ներկա մարզպետներ` Ռոմանոս Պետրոսյանի և Ահարոն Սահակյանի հարաբերությունները։ Ռոմանոս Պետրոսյանը մարզպետ աշխատած ժամանակահատվածում մարզպետարանի ենթակայության տակ գտնվող հիմնարկ ձեռնարկություններում աշխատանքի էր տեղավորել իր բարեկամներին, ընկերներին, հեղափոխության ժամանակ իրենց հետ քայլածներին: Լարվածությունն այնպես է սրվել, որ մարզպետը որոշել է ազատվել Ռոմանոսի կադրերից, գուցե հակառակը` սկսել է ազատել Ռոմանոսի կադրերին, դրա համար են հարաբերությունները սրվել։ Ինչեւէ, սկսել է հենց Կոտայք ՋՕԸ-ից:  «Կոտայք» ջրօգտագործողների ընկերությունում տնօրենի Ժ/Պ են ընտրել, որին միջամտում էր Ռոմանոսի եղբայրը՝ Ռուբեն Պետրոսյանը, որպեսզի անկացնի իր թեկնածուին, սակայն ընտրության արդյունքնում ձայների առավելությամբ ընտրվել է Կամարիս համայնքի նախկին ղեկավար Գոռ Հակոբյանը:

 

Լարված իրավիճակ էր նաև Արարատի մարզում, որտեղ, կարելի է ասել, թշնամական հարաբերություններ են ձեւավորվել նախկին ու ներկա մարզպետների՝ Գարիկ Սարգսյանի ու Ռազմիկ Թեւոնյանի միջեւ: Նրանք մեկը մյուսից առաջ ընկնելով՝ իրար վրա «գործ են տալիս» իրավապահներին: Գարիկ Սարգսյանին հաջողվեց հասնել նրան, որ Ռազմիկ Թևոնյանը հրաժեշտ տա պաշտոնին, սակայն այսօր էլ նա փորձում է պահպանել իր դիրքերը` հակամարտելով վերջինիս որդու` Սեդրակ Թևոնյանի հետ։

 

Գյումրիի ՏԻՄ ընտրությունների արդյունքների ամփոփումից հետո, երբ պարզ էր դարձել, որ իշխող «Քաղաքացիական պայմանագիր» (ՔՊ) կուսակցությունը, որի նախընտրական ցուցակը գլխավորում էր այն ժամանակ դեռ գործող մարզպետ Հովհաննես Հարությունյանը, պարտություն է կրել, իրենց շտաբում Շիրակի նախկին և ներկայիս մարզպետ Կարեն Սարուխանյանն ու Հովհաննես Հարությունյանը հարձակվել են միմյանց վրա` փորձելով իրար վրա բարդել պարտության մեղքը։

 

Լոռու նախկին մարզպետ Անդրեյ Ղուկասյանն է, ով, կարծես, չի հաշտվում պաշտոնը լքելու մտքի հետ: Նախկին մարզպետ Անդրեյ Ղուկասյանը ազատվում էր մարզպետարանում Խաչատրյանի կադրերից: Խաչատրյանը մինչ պատգամավոր դառնալը փոխմարզպետ էր, և մամուլը բազմիցս էր անդրադարձել վերջինիս մարզպետ դառնալու ցանկությանը: Այդ ցանկությունը Խաչատրյանն ի կատար ածեց, սակայն,ժ այսօր հարվածի տակ է արդեն հենց ինքը: Ընդ որում, Խաչատրյանը մարզպետի պաշտոնը ստանձնելուց հետո ակտիվորեն ազատվում էր Ղուկասյանի կադրերից և այսօր Անդրեյ Ղուկասյանի գլխավոր խնդիրը մարզում իր դիրքերի վերականգնումն է:

 

Այս ամենը բավական հստակ ցուցիչ է այն բանի, որ ներթիմային համերաշխություն ասվածը իշխող քաղաքական ուժի դեպքում ընդամենը ֆիկցիա է, հատկապես, երբ խոսքը վերաբերվում է ազդեցության գոտիների, իշխանության բաժանմանն ու պահպանմանը։