Ըստ վարչապետ Նիկոլ Փաշինյանի՝ Հայաստանում գործում է պատժի անխուսափելիության սկզբունքը, ասել է թե՝ անկախ նրանից թե ով է, եթե մեղավոր է, ապա պատիժը անխուսափելի է: Մի քանի օրինակները հերիք են ապացուցելու համար, որ Փաշինյանի պնդումը ոչ այլ ինչ է, քան պարզ պոպուլիզմ, քանի որ իր թիմակիցների վրա պատժի անխուսափելիության սկզբունքը, չգիտես ինչու, չի տարածվում:
Ամենաթարմ և ցավալի դեպքը տեղի ունեցավ վերջերս` ապրիլի 16-ին Պարոնյան-Լեո փողոցների խաչմերուկում մահվան ելքով վրաերթի հեղինակ Փաշինյանի անվտանգության ծառայության աշխատակիցը ազատության մեջ է, ավելին` նրան նույնիսկ չկալանավորեցին:
Վայքի ՔՊ-ական համայնքապետ Մխիթար Մաթեւոսյանին դատարանը տարիներ առաջ մեղավոր է ճանաչել ՀՀ ՔՕ 177-րդ հոդվածի 2-րդ մասի 1-ին կետով եւ պատիժ նշանակել ազատազրկում` 2 տարի 6 ամիս ժամկետով` հաշվակցելով արգելանքի տակ գտնվելու ժամանակը` 1 օրը: Առաջին ատյանի որոշումը նրա պաշտպանը բողոքարկել է Վերաքննիչ եւ Վճռաբեկ դատարանները, որոնք մերժվել են։ Մաթևոսյանը հանդիսանալով «Մավշին» ՍՊԸ-ի տնօրեն, պետությունից խաբեությամբ առանձնապես խոշոր չափի գումար հափշտակելու դիտավորությամբ, շինարարական աշխատանքների կատարման ընթացքում չիրականացված աշխատանքները կատարողական թերթերում ներառելով, պետության միջոցներից ավել է ստացել ընդհանուր 4.055.498.4 ՀՀ դրամ գումար։
Ամիսներ առաջ Թալինի ՋԸՕ-ում հնչած կրակոցների գործով անցնում էր Թալինի համայնքապետի ժՊ Տավրոս Սափեյանը։ Նախորդ տարվա նոյեմբերի 7-ին հայտնի էր դարձել, որ այդ օրը Արմավիրի մարզի Քարակերտ գյուղում տեղակայված Թալին ՋՕԸ-ի գրասենյակ են մուտք գործել ՀԱԿ-ի Սափեյան եղբայրներն իրենց որդիներով ու զենքի սպառնալիքով փորձել են իրենց կրտսեր որդուն նշանակել պետի տեղակալ: Ծեծուջարդ է սկսվել, որին հաջորդել են կրակոցներ: Բայց պարզվել է Սափեյանը ոչնչում մեղավոր չէ, ավելին` նրան համայնքապետի պաշտոն են շնորհել:
Բժիշկ Գևորգ Գրիգորյանը ֆեյսբուքյան իր էջում գրել է․ «ԱՀԿ-ն իր Covid-19-ի վերաբերյալ զեկույցում նշել է, որ Հայաստանում Covid-19-ի ավելցուկային մահերի թիվը ուռճացված է, ինչին ի պատասխան առողջապահության նախարարությունը սկսել է արդարանալ և մեղքը գցել հաշվարկների տեխնիկական խմբի գործունեության վրա, որ «պատահականության» և/կամ «տեխնիկական սխալի» արդյունքում, ավելցուկային մահերի մեջ ներառվել են նաև 44-օրյա պատերազմի արդյունքում մահացած անձինք»: Պատիժ կրե՞ց նախարար Անահիտ Ավանեսյանը, իհարկե՝ ոչ:
Լոռու մարզպետ Արամ Խաչատրյանին Օձունի գյուղապետը մեղադրում էր իրեն ծեծի ենթարկելու մեջ: Ինչպես և սպասվում էր` մարզպետը որևէ պատիժ չկրեց:
Վայոց Ձորի արդեն նախկին մարզպետ Տրդատ Սարգսյանի օգնականին մեղադրանք է առաջադրվել դիտավորությամբ անձին ծանր մարմնական վնաս պատճառելու համար: Մարզպետի օգնականը կալանավորված է: Քննչական կոմիտեն ստուգում է փոխգնդապետ Արա Մխիթարյանին դաժան ծեծի ենթարկելու միջադեպին մարզպետի մասնակցությունը: Իհարկե, նրա մասնակցության փաստը որևէ կերպ չհաստատվեց, ավելին` նրան էլ իր հերթին պատգամավորական մանդատ տվեցին:
ՈՒՂԻՂ ԵԹԵՐ
Ամենադիտված 
Երկար ժամանակ ջուր չի լինի. հասցեներ
