Հարսնացուին առաջարկություն անելիս տղամարդը 1200 դոլար արժողությամբ մատանին գցել է լիճը (տեսանյութ)
ՏեսանյութերԱնգլիայում տղամարդն իր ընկերուհուն ամուսնության առաջարկություն անելիս պատահաբար 1200 դոլար արժողությամբ մատանին գցել է լիճը։ Փեսացուն անգամ չի հասցրել հարսնացուին հարց տալ, գրում է Independent-ը:
Նորֆոլկից 26-ամյա Ռոս Բամբերն իր ընկերուհուն տարել է գեղեցիկ լիճ, որտեղ որոշել է ամուսնության առաջարկ անել։ Նա ծնկի իջած գրպանից հանել է մատանիով տուփը, սակայն բացելուն պես զարդն ընկել է գետնին, ապա գլորվել ջուրը։
«Ես բառացիորեն չէի կարողանում հավատալ տեղի ունեցածին», - հիշում է բրիտանացին։
Ռոսը փորձել է գտնել զարդը լճում, բայց հետո հասկացել է, որ դա նման է խոտի դեզում ասեղ փնտրելուն: Սակայն տղամարդու հարսնացուն հումորով է արձագանքել տեղի ունեցածին ու համաձայնել է ամուսնանալ նրա հետ։ Ավելին, աղջիկն արդեն ուներ նշանադրության մատանի։
Զույգը դեռ չի ասել, թե երբ են նախատեսում հարսանիք անել, սակայն Ռոսը հույս ունի, որ ֆորսմաժոր չի լինի։
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
