Ռուսաստանում խոզը կծել է բնակչի ոտքը․ վերջինս մահացել է
Աշխարհ
ՌԴ Իրկուտսկի մարզում խոզի հարձակման հետևանքով՝ տարեց տղամարդ է մահացել։ Այս մասին հայտնում են մարզի դատախազության մամուլի ծառայությունից, գրում է Gazeta-ն։
Միջադեպը տեղի է ունեցել 2022 թվականի հուլիսի 23-ին։ Գերատեսչության տվյալներով՝ առավոտյան գյուղում առանց հսկողության՝ խոզեր են եղել, որոնք ինքնուրույն շրջել են տարածքում։ Որոշ ժամանակ անց կենդանիները մտել են տներից մեկի տարածք, և տարածքի տերը փորձել է քշել նրանց։
Խոզերին դուրս բերելու փորձի ժամանակ կենդանիներից մեկը կծել է տղամարդու ոտքը։ Վերքի հետևանքով՝ տուժածը հոսպիտալացվել է, սակայն մեծ քանակությամբ արյուն է կորցրել և մահացել։
«Այս փաստի առթիվ քաղաքի դատախազությունը ստուգում է կազմակերպել՝ ապահովելու ընտանի գյուղատնտեսական կենդանիներ պահելու մասին օրենսդրության պահանջների պահպանումը: Վերահսկողական գործունեության արդյունքներով՝ հիմքերի առկայության դեպքում կձեռնարկվեն դատախազական արձագանքման միջոցառումներ»,- նշել են վարչությունից։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
