Հնդկաստանում տղամարդը փորձել է լուսանկարվել, սակայն ընկել է ջրվեժն ու անհետացել (տեսանյութ)

Հնդկաստանի Թամիլ Նադու նահանգում 28-ամյա երիտասարդը սայթաքել և ընկել է ջրվեժը՝ փորձելով լուսանկարել տեսարանները։ Այս մասին հայտնում է India Today-ը։

Միջադեպը տեսագրել է սպանվածի ընկերը։ Նա կանգնել է Կոդայկանալի ջրվեժի եզրին և ընկերոջը խնդրել լուսանկարել իրեն, որպեսզի բնության տեսարանները նույնպես ֆիքսվեն։ Սակայն տուժողը հանկարծակի սայթաքել է, կորցրել հավասարակշռությունը և ընկել ժայռից։ Տղամարդը փորձել է բռնել քարից, սակայն մի քանի վայրկյան հետո ընկել է ջուրը։

Ականատեսները դեպքի մասին հայտնել են տեղի ոստիկանությանը։ Դեպքի վայր ժամանած իրավապահներն ու փրկարարները սկսել են տղամարդուն որոնել, սակայն նրա մարմինն այդպես էլ չի հայտնաբերվել։