ԱՄՆ նախագահ Ջո Բայդենն իրեն ընդհատած ցուցարարին «ապուշ» է անվանել

ԱՄՆ նախագահ Ջոզեֆ Բայդենը «ապուշ» է անվանել ցուցարարին, ով փորձել է ընդհատել իր ելույթը Վիսկոնսինում՝ ի պատիվ երկրի Աշխատանքի օրվա։ Այս մասին հայտնում է РИА Новости-ն։

Միջոցառմանը ամերիկացի առաջնորդը կրկին քննադատել է նախկին նախագահ Դոնալդ Թրամփի կողմնակիցներին՝ ասելով, որ «մենք գտնվում են Ամերիկայի հոգու համար պայքարի վիճակում»։ Դրանից հետո դահլիճում սկսեցին ճիչեր լսվել։

«Բաց թողեք նրան, բոլորն էլ ապուշ լինելու իրավունք ունեն»,- արձագանքել է ամերիկացի առաջնորդը՝ ասելով, որ «MAGA-հանրապետականները և այն տղան, որին ցույց են տվել դռնից դուրս, ոչնչացնում են ժողովրդավարությունը»։

Վերջին շաբաթներին Բայդենը բազմիցս քննադատել է հանրապետականներին՝ ասելով, որ իր նախորդ Թրամփը և նրա կողմնակիցները ծայրահեղականության մարմնացում են, որը սպառնում է ամերիկյան քաղաքական համակարգի հիմքերին։