Ջոնսոնը հրաժեշտի ելույթում շնորհակալություն է հայտնել իր շանը՝ Դիլինին

Մեծ Բրիտանիայի պաշտոնաթող վարչապետ Բորիս Ջոնսոնը կնոջ՝ Քերի Ջոնսոնի հետ լքել է Դաունինգ Սթրիթի նստավայրը՝ շնորհակալություն հայտնելով իր շանը՝ Դիլինին, իր մասին հոգ տանելու համար։ Այս մասին հայտնում է РИА Новости-ն։

«Շնորհակալ եմ բոլորին, ովքեր ինձ հետ էին այս շենքում։ Շնորհակալություն բոլորին կառավարությունում. Շնորհակալություն բոլորին, ովքեր օգնել են հոգ տանել իմ և իմ ընտանիքի անդամների մասին վերջին երեք տարիների ընթացքում, այդ թվում՝ Դիլինին՝ շանը»,- ասել է նա: Նշվում է, որ նա չի հիշատակել Լարի կատվին, ով նույնպես բնակվում էր այդ նստավայրում։

Միևնույն ժամանակ, կատվի՝ Լարիի Twitter-ի էջում նախկինում մի քանի անգամ հրապարակվել են Ջոնսոնին քննադատող և ծաղրող գրառումներ:

Գործակալությունը նշել է, որ կատուն որդեգրվել է ապաստարանից և 2011 թվականից ապրում է Մեծ Բրիտանիայի վարչապետի նստավայրում։ Նրա հետ ապրել են երեք վարչապետներ՝ Դեյվիդ Քեմերոնը, Թերեզա Մեյը և Բորիս Ջոնսոնը։

Սեպտեմբերի 5-ին Մեծ Բրիտանիայի արտաքին գործերի նախարար Լիզ Թրասը հաղթող է ճանաչվել Պահպանողական կուսակցության առաջնորդի և Մեծ Բրիտանիայի վարչապետի պաշտոնի համար պայքարում։ Ընտրությունների վերջին փուլում նա մրցում էր ֆինանսների նախկին նախարար Ռիշի Սունակի հետ։