53-ամյա Ջենիֆեր Լոպեսը բացահայտել է իր երիտասարդության գաղտնիքը

Ամերիկացի դերասանուհի և փոփ երգչուհի Ջենիֆեր Լոպեսը բացահայտել է իր երիտասարդության գաղտնիքը: Համապատասխան նյութը հայտնվել է Express.co.uk հրատարակության կայքում։

53-ամյա երգչուհին շատ ջուր է խմում՝ մարզավիճակը պահպանելու համար։ «Հավատում եք, թե ոչ, դա օգնում է նվազեցնել քաշը: Բացի այդ, ջուրը խոնավեցնում է մաշկը ներսից»,- ասել է աստղը։ Լոպեսը նաև կարևոր է համարում գիշերը յոթից ութ ժամ քնել:

Բացի այդ, Լոպեսը նշել է, որ ալկոհոլ չի օգտագործում և երբեք չի ծխել։ «Մի անգամ մայրս ինձ ասաց. «Մի՛ խմիր և մի՛ օգտագործիր թմրանյութեր, այդ դեպքում դու երկար կապրես»,- կիսվել է երգչուհին։

Բացի այդ, Լոպեսը բացատրել է, որ երբ 20 տարեկան էր, խուսափում էր արևի տակ երկար մնալուց. «Կար ժամանակ, երբ ես ընդհանրապես արևայրուք չէի ընդունում։ Կարծում եմ՝ դա փրկել է իմ մաշկը կնճիռներից և ծերացման այլ նշաններից»։