SOCAR-ը նավթ է որոնում Թուրքիայում

Ըստ Թուրքիայի եւ Ադրբեջանի միջեւ ստորագրված համաձայնագրի՝ Համալիր հորատման աշխատանքների SOCAR տրեստի ներկայացուցիչ Զաքուլա Քերիմովը ժամանել է Բաթման՝ թուրքական TPAO ընկերության անունից նավթի որոնման հորատման աշխատանքներ իրականացնելու համար։ Նա նախնական հետազոտություններ է անցկացրել, հանդիպել քաղաքապետ Էքրեմ Ջանալփի հետ։

Թուրքական լրատվամիջոցների փոխանցմամբ՝ SOCAR-ի ներկայացուցիչների հետ զրույցում քաղաքապետին տեղեկացվել է նավթի հետախուզման աշխատանքների մասին, որոնք պետք է անցկացվեն։ Հաղորդվում է, որ Ստամբուլում մարտին կայացած նավթային ռեսուրսների գագաթաժողովում Ադրբեջանի եւ Թուրքիայի միջեւ ստորագրված պայմանագրի շրջանակներում Զաքուլա Քարիմովն ասել է, որ Բաթմանում նախատեսվում են հորատման ամենակարեւոր աշխատանքները։