Հյուսիսային Կորեան ավտոմատ կերպով միջուկային հրթիռներ կարձակի, եթե Կիմ Չեն Ընը սպանվի. Politico

Հյուսիսային Կորեայի միջուկային հրթիռները ավտոմատ կերպով կարձակվեն երկրի առաջնորդ Կիմ Չեն Ընի սպանության դեպքում, գրում է Politico-ն։ Այս մասին, ըստ հրապարակման, նշված է ԿԺԴՀ-ի միջուկային քաղաքականության մասին նոր հրամանագրում։

Ինչպես երևում է փաստաթղթից, թշնամու հարձակման հետևանքով պետության միջուկային հրամանատարության և կառավարման համակարգին սպառնացող վտանգի դեպքում, միջուկային հարվածը կսկսվի ինքնաբերաբար և անմիջապես՝ ոչնչացնելու նրա ուժերը՝ ներառյալ սադրանքի մեկնարկային կետը և հրամանատարությունը, պնդում է Politico-ն։

Հյուսիսային Կորեան սեպտեմբերի 9-ին իրեն պաշտոնապես հայտարարեց միջուկային պետություն։ Կիմ Չեն Ընի խոսքով՝ Հյուսիսային Կորեան երբեք չի հրաժարվի միջուկային զենքից։

ՌԴ ԱԳՆ-ն նշել է, որ Հյուսիսային Կորեան դե ֆակտո շարունակում է պահպանել միջուկային փորձարկումների մորատորիումը, մինչդեռ նրա հակառակորդները էսկալացիայի կուրս են բռնել։