Բայդենը փախստականների ընդունման սահմանափակում կսահմանի

ԱՄՆ նախագահ Ջո Բայդենի վարչակազմը զեկույց է ուղարկել Կոնգրես, որտեղ առաջարկել է 2023 ֆինանսական տարում (սկսվում է 2022 թվականի հոկտեմբերի 1-ից) երկրում փախստականների ընդունման քվոտա սահմանել 125 հազար մարդ, հայտնում է ՏԱՍՍ-ը՝ վկայակոչելով Պետդեպարտամենտի հայտարարությունը։

Այսպիսով, առաջարկվում է բավարարել աճող կարիքները, որոնք առաջանում են ամբողջ աշխարհում հումանիտար ճգնաժամերի պատճառով։ Այս մասին նշվում է տեքստում։

Պետդեպարտամենտը, Ներքին անվտանգության նախարարությունը և Առողջապահության ու մարդկային ծառայությունների վարչությունը նախագահական զեկույցը փոխանցել են Ներկայացուցիչների պալատի և Սենատի դատական ​​հանձնաժողովներին, ասվում է հայտարարության մեջ:

ԱՄՆ պետքարտուղար Էնթոնի Բլինկենը և ներքին անվտանգության ու առողջապահության նախարարության ներկայացուցիչները Կոնգրեսի հետ խորհրդակցություններ կանցկացնեն պետության ղեկավարի առաջարկների շուրջ։

Բայդենը 2022 թվականին փախստականների ընդունման քվոտան 62,5 հազար մարդուց հասցրեց 125 հազարի։