Պուտինի նախազգուշացումը ԵՄ-ին ստիպեց հրաժարվել գազի գնի սահմանաչափի ներդրումից. The Telegraph

Ռուսաստանի նախագահ Վլադիմիր Պուտինի զգուշացումը ստիպեց Եվրամիությանը հրաժարվել գազի գնի սահմանափակում սահմանելու նախաձեռնությունից։ Այս մասին հայտնում է The Telegraph-ի սյունակագիր Թոմ Ռիսը։

Նրա կարծիքով, նախօրեին հանդիպման ժամանակ նախարարները խնդրել են Եվրահանձնաժողովին նախապատրաստել էներգետիկ շուկաներում լարվածությունը թուլացնելու մանրամասն ծրագիր։ Ռիսը նշել է, որ Եվրոպան բախվել է սուր ճգնաժամի, որն առաջացել է էներգակիրների գնի կտրուկ աճի և դրանց պակասի հետևանքով։

«Բրյուսելում նախարարները շտապ փորձում են պատրաստվել դաժան ձմռանը»,- ամփոփել է փորձագետը։

Եվրահանձնաժողովը սեպտեմբերի 9-ին նախարարների արտակարգ նիստում ներկայացրել է էներգետիկ ճգնաժամի հաղթահարման հինգ կետերից բաղկացած ցանկը։ Այդ միջոցառումների շարքում ներկայացվել է նաև ռուսական գազատարի վրա գների սահմանումը։

Հունգարիայի արտաքին գործերի նախարար Պետեր Սիյարտոն, ով մասնակցել է Բրյուսելում կայացած հանդիպմանը, ասել է, որ ԵՄ անդամ երկրների նախարարները չեն կարողացել որևէ որոշման գալ Ռուսաստանից գազի գնի առավելագույնի սահմանման վերաբերյալ։