Սերբիայի նախագահ Վուչիչը խոսել է իր «մեծ ընտանիքում» լեսբուհու մասին

Սերբիայի նախագահ Ալեքսանդր Վուչիչը հայտարարել է, որ իր «մեծ ընտանիքում» կա ԼԳԲՏ համայնքի ներկայացուցիչ։ Այս մասին նա հայտարարել է Ազգային անվտանգության խորհրդի նիստում՝ պատասխանելով Բելգրադում գեյ-շքերթի հնարավոր անցկացման վերաբերյալ խորհրդի դիրքորոշման մասին հարցին, փոխանցում է Danas-ը։

Ինչպես ասել է Վուչիչը, իր գործընկերներից շատերը նույնասեռական են, և նրանք իրեն մեծ օգնություն են ցուցաբերում։

«Եթե ես մտածեի, որ [Սերբիայի վարչապետ] Անե Բռնաբիչը (բացահայտ լեսբիուհի - խմբ.) չար է, նա այնտեղ չէր լինի: Իմ մեծ ընտանիքում միասեռական կին կա, և ես նրան երբեք այլ բանի հետ չեմ փոխի, չեմ կարծում, որ դրանում որևէ չարիք կա»,- ասել է նախագահը և նշել, որ չի սիրում գեյ-շքերթներ։

Նա, սակայն, չի հստակեցրել, թե արդյոք նկատի ունի Բռնաբիչին՝ խոսելով իր «մեծ ընտանիքի» մասին։

Նրա խոսքով, եթե ԼԳԲՏ համայնքն իրեն դիմեր խորհրդի համար, նա խորհուրդ կտար այլ կարեւոր հարցերով զբաղվել, ոչ թե շքերթներով։