17 տարի առաջ ջրատարում կորցրած նշանադրության մատանին վերադարձվել է տիրոջը
ԱյլԿանադայի Բրիտանական Կոլումբիա նահանգի Պենտիքթոն ջրատարում լողորդը գտել է նշանադրության մատանի, որը տեղի բնակչուհին կորցրել էր 17 տարի առաջ, և զարդը վերադարձրել է տիրոջը։ Այս մասին հայտնում է UPI լրատվական գործակալությունը։
Տեղի ոստիկանությունը հաղորդագրություն է տարածել, որ փնտրում է մատանու տիրոջը, որը լողորդը հայտնաբերել էր ջրի մեջ։ Զարդի վրա փորագրված էին Ստեֆանի և Նոել անունները։ Հայտարարությունը գրավել է Նոել Նիսենի աներոջ ուշադրությունը։ «Ինձ զանգահարեց աներս և ասաց, որ տեսել է գտածոյի մասին հոդված։ Հարցրեց՝ դա ի՞մ մատանին է»,- պատմել է զարդի տերը։
Նիսենն ընդգծել է, որ 17 տարի առաջ ջրանցքում կորցրել է ամուսնական մատանին ընկերների հետ այնտեղ հանգստանալիս։ Կորուստը նկատել է միայն այն ժամանակ, երբ նստել է մեքենան՝ տուն վերադառնալու համար։ «Դա շատ վաղուց էր։ Ես շոկի մեջ եմ»,- ասել է նա։
Զուգատիպությամբ, լողորդը մատանին վերադարձրել է տղամարդուն` նրա կնոջ՝ Ստեֆանիի հետ ամուսնության 20-ամյակի օրը: Զարդը լավ պահպանված էր։ «Չեք հավատա, թե որքան լավ է այն պահպանվել, թեև 17 տարի ընկած է եղել ջրանցքի հատակին։ Ես կմտածեի, որ ջրի ու ավազի ազդեցության տակ անցկացրած երկար տարիներից հետո այն պետք է շատ վնասված լիներ»,- ընդգծել է տղամարդը։