Բրիտանական լրատվամիջոցներն անվանել են այն երկիրը, որը տապալելու է եվրագոտին

Էներգետիկ ճգնաժամը հանգեցրել է գերմանական տնտեսության փլուզման, որը սպառնում է նմանատիպ այլ եվրոպական երկրներին։ Այս մասին հայտնում է բրիտանական Spiked առցանց հրատարակությունը։

«Էներգետիկ ճգնաժամը ոչնչացնում է Գերմանիան՝ տարածաշրջանի ամենամեծ տնտեսությունը։ Չնայած այն հանգամանքին, որ շատ երկրներ բախվում են խնդիրների, Գերմանիայում անկումն է, որն ընդգծում է եվրագոտու թուլությունը: Ընդ որում, եվրագոտու համար կանխատեսումները բավականին մռայլ են»,- նշել է հրատարակությունը։

Հրատարակության տվյալներով՝ եվրագոտին այժմ լուրջ խնդիրների մեջ է, սակայն Գերմանիան որոշել է չխոսել այդ մասին։ Բանն այն է, որ գերմանացի քաղաքական գործիչները սովոր են ներկայիս բոլոր ճգնաժամերի մեջ մեղադրել Ուկրաինայում ստեղծված իրավիճակին։ Սակայն իրականում խնդիրները սկսվել են դեռևս 2011 թվականին, երբ Գերմանիան հրաժարվեց միջուկային էներգիայի զարգացումից, ինչը առաջացրեց ռուսական գազից կախվածության աճ։

Հոդվածի հեղինակները նշել են, որ Գերմանիայի տնտեսության ռեցեսիան խոսում է ամբողջ եվրագոտու թուլության մասին, որտեղ սուվերեն պարտքային ճգնաժամը միայն աճում է։ Սակայն հասարակ քաղաքացիները ստիպված են լինելու վճարել նախկինում թույլ տված սխալների համար։ Բացի այդ, հայտնի չէ, թե եվրոպական տարածաշրջանում ովքեր կկարողանան վճարել, եթե Եվրոպայի առաջատար տնտեսությունը փլուզվի, քանի որ նրանք չեն կարողանում հաղթահարել իրենց ճգնաժամերը։