Գինեկոլոգը բացատրել է, թե ինչի մասին է խոսում սեռական հարաբերության ժամանակ ցավը
ԱյլԿաթնախտը սնկային հիվանդություն է, որն ունի մի քանի պատճառ։ Այս մասին Gazeta.ru-ին հայտնել է մանկաբարձ-գինեկոլոգ Սոֆյա Չուգուևսկայան։
Բժշկի խոսքով՝ կաթնախտը կարող է առաջանալ իմունիտետի կտրուկ նվազման, վատ հիգիենայի, բարձիկների և տամպոնների հազվադեպ փոփոխության, ինչպես նաև հորմոնալ մակարդակի փոփոխության դեպքում։
Ինչպես զգուշացրել է գինեկոլոգը, կաթնախտը հաճախ կրկնվող բնույթ է կրում: Կանանց մոտ հիվանդության ամենահաճախ հանդիպող ախտանիշներից է սպիտակ արտահոսքը, ինչպես նաև լորձաթաղանթի կարմրությունը։ Կան նաև կաթնախտի մի քանի այլ բնորոշ ախտանիշեր:
«Կաթնախտի հետ կապված ցավն առաջանում է սեռական հարաբերության կամ հիգիենայի ընթացակարգերի ժամանակ: Միզելու ժամանակ կարող է անհարմարություն լինել»,- ասել է գինեկոլոգը։
Ինչպես հավելել է բժիշկը, եթե կաթնախտ է առաջանում, ապա հիվանդները կարող են նկատել սեռական օրգանների այտուց։
«Ինքնաբուժությամբ զբաղվել չի կարելի, անհրաժեշտ է դիմել բժշկի՝ ախտորոշելու և անհրաժեշտ առաջարկություններ ստանալու համար»,- հավելել է գինեկոլոգը։
Բժշկի խոսքով՝ կան այնպիսի արդյունավետ ժողովրդական միջոցներ, օրինակ՝ երիցուկի, եղեսպակի, կաղնու կեղևի և եղինջի թուրմը, ինչպես նաև եղինջի, կաղնու կեղևի և նարդոսի թուրմը։ Այնուամենայնիվ, դրանք չպետք է ամբողջությամբ փոխարինեն դեղերին, որպեսզի կաթնախտը պացիենտի մոտ չդառնա քրոնիկ հիվանդություն: