Տղամարդը թռել է օդապարիկով և երկու օր չի կարողացել վայրէջք կատարել

Չինաստանի հյուսիսարևելյան Հեյլունցզյան նահանգում Հու անունով տղամարդը երկու օր չի կարողացել իջնել օդապարիկից։ Այս մասին հայտնում է Associated Press-ը։

Դեպքը տեղի է ունեցել կիրակի՝ սեպտեմբերի 4-ին։ Հուն և նրա գործընկերը օդապարիկ են օգտագործել ընկույզ հավաքելու համար: Հանկարծ այն արձակվել է ու սկսել վեր բարձրանալ։ Գործընկերը կարողացել է ցատկել գետնին, իսկ Հուն մնացել է զամբյուղում։

Հաջորդ օրը փրկարարներին հաջողվել է բջջային հեռախոսով կապ հաստատել Հուի հետ։ Նրանք նրան հրահանգել են, թե ինչպես դանդաղ օդապարիկից հանել օդը և ապահով վայրէջք կատարել:

Անցել է ևս մեկ օր, մինչև տղամարդը կարողացել է իջնել գետնին։ Այդ ընթացքում օդապարիկը անցել է մոտ 320 կիլոմետր։ Նա վայրէջք է կատարել Չինաստանի Ֆանչժեն գավառում՝ Ռուսաստանի հետ սահմանի մոտ:

Հուն անվնաս էր և միայն գանգատվում էր մեջքի ստորին հատվածի ցավից, ենթադրաբար կապված այն բանի հետ, որ նա անընդհատ կանգնած է եղել օդում: Նրան տեղափոխել են հիվանդանոց և ցուցաբերել անհրաժեշտ բուժօգնություն։

Այս թեմայով ՀՀ-ի և ՉԺՀ-ի միջև ձևավորված հարաբերություններն առանձնանում են համագործակցության բարձր մակարդակով Պատրաստ եմ ջանք գործադրել ՀՀ-Չինաստան հարաբերություններն առավել զարգացնելու համար․ Փաշինյան Էլինա Ավանեսյանը պարտվեց, Կարեն Խաչանովը դուրս եկավ 1/4 եզրափակիչ Պատրաստ ենք նպաստել Հայաստանի հետ հարաբերությունների զարգացմանն ավելի բարձր մակարդակով․ Չեն Մին Սուրեն Պապիկյանը մեկնել է Չինաստան