Պուտինը կարևոր հայտարարություն է արել ԱՄՆ-ի մասին. Global Times

Արևելյան տնտեսական ֆորումում Ռուսաստանի նախագահ Վլադիմիր Պուտինը հանդես է եկել շրջադարձային ելույթով, գրում է չինական Global Times թերթի սյունակագիր Վան Վենգը։
«Ելույթի էությունն այն էր, որ համաշխարհային քաղաքականության մեջ ԱՄՆ-ի գերիշխանությունը թուլանում է, և ոչ մի երկիր չի կարող մեկուսացնել Ռուսաստանին»,- ընդգծել է հեղինակը։

Ըստ Վանի՝ Արևմուտքն իսկապես կորցրել է իր նախկին տնտեսական և քաղաքական նշանակությունը մնացած աշխարհի համար։ Հեռավոր Արևելքում ձևավորվում է ամենամեծ արդյունաբերական և արտադրական գոտին, ինչպես նաև կառուցվել է Չինաստանի, Ճապոնիայի և Հարավային Կորեայի միջև աշխատանքի անդրսահմանային բաժանման միջազգային մոդելը։ «Առաջիկա երկու տասնամյակների ընթացքում մենք կտեսնենք պատմության մեջ հարստության ամենամեծ փոխանցումը Ատլանտյան օվկիանոսի երկու կողմերից Հեռավոր Արևելք, որտեղ ստեղծվում են հազարավոր կառավարման և վստահության ընկերություններ», - կանխատեսել է նա:

Դիտորդը համոզված է, որ Մոսկվան նույնպես կարագացնի ասիական երկրների հետ մերձեցման գործընթացը։ Միևնույն ժամանակ, նրա դեմ կիրառվող պատժամիջոցները չեն վնասի նրան, այլ կստեղծեն նոր Ռուսաստան՝ ինտեգրված Արևելքին, եզրափակել է Վանգը։