Հայաստանը պետք է նվիրված լինի խաղաղ բանակցություններին. Չավուշօղլուն կրկին մեղադրել է հայկական կողմին

Ադրբեջանի արտգործնախարար Ջեյհուն Բայրամովը և Թուրքիայի արտգործնախարար Մևլյութ Չավուշօղլուն հեռախոսազրույց են ունեցել:

Այդ մասին թվիթերի իր էջում գրել է Թուրքիայի արտգործնախարարը:

Նախարարները քննարկել են հայ-ադրբեջանական սահմանին տիրող իրավիճակը:

Թուրքիայի նախարարը կրկին մեղադրել է հայկական կողմին, նշելով, որ սահմանային վերջին էսկալացիայի սադրողը, իբր, Հայաստանն է:

«Հայաստանը պետք է նվիրված լինի խաղաղ բանակցություններին և համագործակցությանը՝ Ադրբեջանի հետ ձեռք բերված համաձայնագրի շրջանակներում»,- ասել է Չավուշօղլուն: